Ish-prokurori i krimeve të rënda, Eugen Beci në një intervistë në emisionin “Kjo Javë” në News24 u ndal te publikimet tronditëse të Arben Ahmetaj lidhur me përgjimet e Ron Yeffet.
Beci u shpreh se të dhënat e publikuara nga Ahmetaj, nëse konfirmohen, mund të ngrenë dyshime për një vepër të mundshme penale dhe për këtë arsye, sipas tij, duhet të verifikohen nga Prokuroria e Posaçme.
“Ka sjellë me rrëfimin e tij të dhëna që mund të çojnë në kryerjen e një vepre penale nga ministri i Mbrojtjes. Dhe është detyrim i Prokurorisë së Posaçme të verifikojë të dhënat e përgjimit, se si është bërë tregtia e armëve në Republikën e Shqipërisë”, tha Beci.
Ish-prokurori theksoi se çdo e dhënë e re që mund të lidhet me një vepër penale duhet të verifikohet, veçanërisht kur bëhet fjalë për tregtinë e armëve.
“Prokuroria është e detyruar të verifikojë çdo të dhënë. Shpesh kanë ndodhur edhe trafiqe të tjera, edhe të armëve, dhe ndaj duhen verifikuar dhe saktësuar, sepse është një fije e hollë e tregtisë që bën shteti me trafikun e armëve”, u shpreh ai.
Beci ngriti pyetje mbi përmbajtjen e përgjimit dhe rrethanat në të cilat ai është realizuar, duke kërkuar që hetimi të fokusohet te faktet konkrete.
Sipas Becit, çështja kryesore për opinionin publik është të zbardhet nëse pretendimet e bëra në përgjime kanë bazë faktike dhe nëse ekziston ndonjë përfshirje e institucioneve shtetërore në trafikimin e armëve.
“Ka sjellë me rrëfimin e tij të dhëna që mund të çojnë në kryerjen e një vepre penale nga ministri i Mbrojtjes. Dhe është detyrim i prokurorisë së posaçme të verifikojë të dhënat e përgjimit se si është bërë tregtia e armëve në Republikën e Shqipërisë? Prokuroria është e detyruar të verifikojë çdo të dhënë. Shpesh kanë ndodhur edhe trafiqe të tjera edhe të armëve dhe ndaj duhen verifikuar dhe saktësuar sepse është një fije e hollë e tregtisë që bën shteti me trafikun e armëve. Ndaj prokuroria duhet të jetë shumë e kujdesshme në këtë drejtim. Zoti Ahmetaj me përgjimin po thotë se në Shqipëri a prodhohet armë? Dhe në rast se po si tregtohen ato? Duhet parë si është bërë përgjimi, ku është bërë? Por duhen parë edhe faktet që përmenden në përgjim…opinionit publik i intereson qëllimit final dhe duhet parë nëse qeveria është kthyer vërtet në trafikues armësh? Pra dua të shoh a më sjell fakte dhe rrethana të qarta, nëse është i penduar apo i pandehur nuk ka rëndësi për mua. Por ai i penduar nuk bëhet dot, sepse duhet të pranosh fajin…Rasti i fundit është tipik ku bëhet fjalë për një rast tipik penal. E reja e rrëfimit të fundit është se po flet për një fakt të ri penal dhe shpresoj që Prokuroria e Posaçme të nisë një çështje të re panele…”, tha ai.
