Administrata e Gjykatës së Juridiksionit të Përgjithshëm në Kukës ka bojkotuar punën pas ngërçit te krijuar me pagat në sistemin e drejtësisë. Për shkak të bojkotit, qytetarët nuk kanë mundur të marrin shërbimet administrativ. Një prej tyre, Ramazan Duraku, I cili kerkont nje vertetim por u largua pa e marre ate.
“Unë jam para gjykatës, kam ardhur të marr një vërtetim për vajzën por këtu nuk ta jep askush. Janë mbledhur këtu dhe thonë se kanë demonstratë por mua nuk më intereson se çfarë kanë sepse unë jam qytetar, mua më duhet vërtetimi. Rrogat nuk i paskan marrë por smë intereson se shoh punët e mia. Se kuptoj a ka shtet a s’ka shtet. Nuk është mirë të tallen kështu me ne” tha Ramazan Duraku
Administrata e Gjykatës së Kukësit do të vijojnë bojkotin edhe gjatë dy ditëve në vazhdim. Gjatë kësaj periudhe do të kryhen vetem masat e sigurisë dhe urdhrat e menjëhershëm të mbrojtjes.
Bojkoti në gjykata, jo vetëm në kukës ka nisur që në fillim të muajit, ndërsa qeveria ka premtuar zjidhje përmes një projektligji që pritet të miratohet më 17 shtator në parlament. Në draftin e propozuar nga socialistet paga referuese e magjistratëve të rritet nga 36 deri në 38% të pagës së Presidentit të Republikës.
U.D/Shqiptarja.com
LAJMET MË TË VLERËSUARA