TIRANË– Prej orës 10:00, qytetarët janë mbledhur në protestë, e cila është zhvendosur në disa rrugë të ndryshme të Tiranës, duke shkaktuar edhe bllokimin e tyre. Deri më tani raportohet për disa protestues të shoqëruar, mes tyre edhe Dritan Goxhaj.
Fillimisht, protestuesit u mblodhën para Kuvendit, në nisje të seancës plenare me qëllimin për të sulmuar deputetët. Por, për shkak të masave të shutuar të sigurisë, ligjvënësit u futën të qetë në sallën e seancës plenare. Më pas ata u zhvendosën drejt bllokut të ministrive, ku tentuan të kalojnë tek ajo e Punëve të Brendshme, por nuk e çanë dot kordonin e policisë. Këtu nisën edhe tensionet e para, me qytetarët që sulmuan policët me vezë dhe shishe uji.
Pika e tretë e përplasjes ishte në rrugën mes selisë së Partisë Demokratike dhe Xhamisë së Namazgjasë. Protestuesit bllokuan rrugën dhe hodhën koshat e plehrave në mes të rrugës, duke shkaktuar bllokimin e dy kaheve të rrugës përballë selisë blu.
Pavarësisht thirrjeve të policisë se bllokimi i rrugëve është vepër penale, protestuesit nuk ju tërhoqën. Forcat shqiponja ndërhynë duke shoqëruar disa prej tyre
Pasi ndërhyn policia, protestuesit shpërndahen në drejtime të ndryshme. Një pjesë e tyre u stacionuan sërish para kuvendit të Shqipërisë.
Protestuesit përmbysin koshat e plehrave në mes të rrugës (VIDEO)
Pas përplasjeve me policinë, protestuesit kanë rrëzuar koshat e plehrave në mes të rrugëve në Tiranë.
Sërish përplasje, protestuesit bllokojnë rrugët dhe tentojnë të çajnë kordonin e policisë! Disa të shoqëruar (VIDEO)
Sërish përplasje mes protestuesve dhe policëve në protestë. Qytetarët kanë bllokuar rrugën në bulevardin “Zhan Dark” dhe po tentojnë të çajnë kordonin e policisë. Këta të fundit u bënë thirrje të lirojnë rrugën se është vepër penale. Disa protestues të tjerë u shoqëruan
