Pas përfundimit të fjalimeve para Kryeministrisë, vijon marshimi i protestuesve në rrugët e Tiranës, ndërsa thirrjet kundër qeverisë shoqërojnë tubimin.
Gjatë marshimit, protestuesit kanë përcjellë mesazhe të ndryshme përmes thirrjeve dhe pankartave, duke kërkuar dorëheqjen e kryeministrit Edi Rama.
“Bashkohuni studentë, kombi na thërret”, është një prej thirrjeve të dëgjuara gjatë marshimit.
Në mesin e mesazheve të protestuesve janë edhe: “Këtu vendosim ne”, “Nuk shitet Shqipëria, shitet qeveria” dhe “Ju erdhi fundi”.
Marshimi vijon në rrugët e Tiranës, ndërsa pjesëmarrësit përsërisin thirrjet e tyre kundër qeverisë.
