Prokurorja amerikane, Jeanine Ferris Pirro publikoi një video ku shihet se si Cole Allen (31), i dyshuar për atentat ndaj Donald Trump, kalon pranë sigurimit dhe agjentëve të Shërbimit Sekret në hotelin Hilton Hotel, ku po mbahej darka e Shoqatës së Korrespondentëve të Shtëpisë së Bardhë.
Siç bëri të ditur ajo, Allen kishte qenë duke lëvizur në atë zonë të hotelit Hilton edhe një ditë para sulmit.
“Sot publikojmë një video që tashmë i është dorëzuar Gjykatës Federale të SHBA-së, në të cilën shihet se si Cole Allen qëllon një pjesëtar të Shërbimit Sekret amerikan gjatë përpjekjes së tij për atentat ndaj presidentit në darkën e korrespondentëve të Shtëpisë së Bardhë”, deklaroi ajo krahas videos.
Read more (Video):Izraeli hakmerret pas vrasjes së ushtarit nga Hezbollahu, bombardon Libanin – raportohen tetë të vrarë
Ajo shtoi se hetimet po vazhdojnë. Cole Allen përballet me tri pika akuze dhe, nëse shpallet fajtor, rrezikon dënim me burgim të përjetshëm.
Pika e parë e aktakuzës lidhet me përpjekjen për atentat ndaj presidentit të Shteteve të Bashkuara të Amerikës.
Sipas pikës së dytë, ai akuzohet për transportimin e armës së zjarrit përtej kufijve shtetërorë me qëllim kryerjen e një vepre penale.
Read more (Cole allen):I dyshuari për të shtënat në Shtëpinë e Bardhë paraqitet në gjykatë dhe akuzohet për tentativë vrasjeje
Pika e tretë e aktakuzës i referohet përdorimit të armës së zjarrit gjatë kryerjes së një krimi të dhunshëm.
I dyshuari u neutralizua dhe u arrestua, ndërsa një pjesëtar i Shërbimit Sekret mbeti i plagosur lehtë. /Telegrafi/
