Papa Leoni në kabinën e pilotit, pamjet nga fluturimi mbi Spanjë bëhen virale

Pamjet, të cilat janë bërë virale në rrjetet sociale, tregojnë Papa Leon duke biseduar me ekuipazhin e avionit dhe duke përshëndetur pilotët e avionëve luftarakë të Forcave Ajrore Spanjolle që po shoqëronin fluturimin. Sipas mediave ndërkombëtare, Papa u ftua nga njëri prej kapitenëve të avionit për të vizituar kabinën në pjesën e dytë të udhëtimit.

Pope Leo sat with the pilots of a flight from Madrid to Barcelona on the second leg of his Spain tour. The pontiff was invited aboard by one of the captains, and waved at Spanish Air Force fighter jet pilots escorting the plane https://t.co/pbv4UuLWFo pic.twitter.com/DAD1ptXLFL

Read more:Spanja fillon evakuimin e anijes turistike me persona të prekur nga hantavirusi në Tenerife

Gjatë qëndrimit në kabinë, Ati i Shenjtë u shfaq i buzëqeshur dhe i interesuar për komunikimin me ekuipazhin, ndërsa momenti u prit me entuziazëm nga besimtarët dhe ndjekësit e tij.

Vizita e Papa Leos në Barcelonë kishte edhe një domethënie të fortë simbolike. Në fjalimin e tij në kryeqytetin katalanas, ai zgjodhi t’i drejtohej të pranishmëve fillimisht në gjuhën katalane, duke thënë “Estimats germans i germanes” (“Të dashur vëllezër dhe motra”).

Read more:Hantavirusi, OBSH paralajmëron: Javët e ardhshme do të ketë “shpërthim” rastesh

Ky gjest u interpretua si një shenjë respekti dhe njohjeje ndaj identitetit kulturor të Katalonjës, një rajon ku gjuha katalane konsiderohet pjesë thelbësore e historisë dhe traditës lokale. Zgjedhja e Papës u mirëprit nga autoritetet dhe komunitetet vendase, veçanërisht duke pasur parasysh historinë e vështirë të gjuhës katalane, e cila u kufizua ndjeshëm gjatë periudhës së diktaturës së Frankos.

Sipas raportimeve ndërkombëtare, turneu i Papa Leos në Spanjë do të vijojë edhe në ditët në vijim me takime, aktivitete publike dhe mesazhe kushtuar dialogut, paqes dhe bashkëjetesës mes komuniteteve.