Provimet e lirimit/ 29 mijë minimaturantë iu nënshtruan sot testimit në Gjuhën Shqipe

Rreth 29 mijë minimaturantë zhvilluan sot provimin e parë të detyrueshëm, atë të lëndës së Gjuhës Shqipe.

Provimi zgjati 2 orë e gjysmë dhe u zhvillua në qendra të monitoruara nga stafe të kualifikuara të institucioneve arsimore.

Provimet shënojnë fazë të rëndësishme në formimin e nxënësve ndërsa ata përgatiten të nisin studimet e nivelit të dytë.

Read more:Janevska: Me ndryshimet në Ligjin për arsim fillorë do të ketë dënime për prindërit e nxënësve që ushtrojnë dhunë

Ministrja e Arsimit, Mirela Kumbaro ka uruar të nxënësve suksese, teksa ka theksuar se janë marrë të gjitha masat e nevojshme për mirëmbajtjen e procesit.

“Rreth 29 mijë nxënës nisin sot Provimet Kombëtare të Arsimit Bazë, ndërsa i kemi marrë të gjitha masat nëpër shkolla që ky proces të jetë i qetë, i rregullt, korrekt dhe të gjithë nxënësit të kenë mundësi të barabarta për të dhënë më të mirën nga vetja e të nisin plot sukses një cikël të ri në arsimimin e tyre”, shkroi Kumbaro.

Read more:Ministrja Kumbaro disa orë në SPAK: U thirra si person në dijeni për një çështje që ka të bëjë me stadiumin Arena

Më 22 qershor do të zhvillohet provimi i gjuhës amtare për nxënësit e pakicave kombëtare. Ndërkaq, më 25 qershor do të zhvillohet provimi i Matematikës dhe më 30 qershor nxënësit do të testojnë njohuritë për Gjuhën e Huaj.