Autoriteti Rrugor Shqiptar ka hapur një tender të ri për rindërtimin e Unazës së Burrelit që u shemb si pasojë e motit të keq më 9 janar të këtij viti. Tenderi i ri është hapur me fond limit rreth 950 mijë euro rreth 70% e fondit të parë. Për ndërtimin e Unazës së Burrelit, Autoriteti Rrugor Shqiptar investoi 1.3 milionë euro.
Ndërkohë, Partia Demokratike i kërkon SPAK-ut të nisë hetimet për investimin në Unazën e Burrelit, duke kërkuar verifikimin e përgjegjësive për dështimin e projektit. Sipas zëdhënëses së Antikorrupsionit në PD, Denisa Vata, qeveria po kërkon të shpenzojë edhe 950 mijë euro të tjera për rehabilitimin e rrugës, ndërkohë që investimi fillestar eurosh ka dështuar.
Ajo pretendon se një dokument i ARRSH-së pranon se projekti nuk kishte parashikuar rrezikun e rrëshqitjeve të dherave, duke e cilësuar rastin si simbol të korrupsionit dhe papërgjegjshmërisë.
“Unaza e Burrelit eshte monumenti i korrupsionit, papergjegjshmerise dhe pandeshkueshmerise se kesaj qeverie. Per ndertimin e saj u shpenzuan rreth 1.2 milione euro nga taksat e shqiptareve. Sot ajo rruge eshte shembur pothuajse ne te gjithe gjatesine e saj. Dhe ne vend qe te kerkohej pergjegjesi per nje investim publik qe ka deshtuar, qeveria ben te kunderten. Hap nje tender te ri me vlere 950 mije euro, duke u kerkuar shqiptareve te paguajne edhe nje here. Nese 1.2 milione euro nuk mjaftuan per te ndertuar nje rruge, mbi cfare logjike teknike dhe financiare pretendohet se 950 mije euro do ta zgjidhin problemin?
Kush garanton se kjo nuk do te jete nje fature e dyte per te njejtin deshtim? Kush garanton se projektuesit, mbikeqyresit dhe i gjithe zinxhiri i pergjegjesise nuk jane serish te njejtet? Sot po bej publik nje dokument zyrtar te Autoritetit Rrugor Shqiptar. Ne kete shkrese, te dates 12 janar 2026, vete ARRSH pranon se projekti i paraqitur nga Bashkia Mat nuk kishte evidentuar rrezikun e rreshqitjeve dhe, per pasoje, nuk kishte parashikuar masa inxhinierike per trajtimin e tyre. Ky nuk eshte pretendim i opozites por pranim zyrtar i institucionit pergjegjes.
Ne cdo shtet normal, nje investim publik qe deshton ne keto permasa do te sillte menjehere nje verifikim te plote institucional per te percaktuar pergjegjesite dhe cdo dem te shkaktuar buxhetit te shtetit. Ne Shqiperi ndodh e kunderta. Nuk kerkohet pergjegjesi per 1.2 milione eurot e para por hapet nje tender i ri me 950 mije euro te tjera. Paradoksi nuk eshte se po ndertohet perseri rruga. Paradoksi eshte se shteti po paguan per here te dyte, pa u thene ende shqiptareve pse deshtoi pagesa e pare dhe kush mban pergjegjesi per te.
Read more:PD çon në SPAK librin ‘The Albanian Files’: Hetoni Ramën, dëshmon aferat e tij korruptive
Partia Demokratike kerkon qe SPAK te nise menjehere hetimet per kete investim, te verifikoje pergjegjesine e cdo zyrtari, projektuesi, mbikeqyresi dhe subjekti te perfshire, si edhe te ndaloje cdo shpenzim te ri publik pa u zbardhur me pare pse deshtuan 1.2 milione eurot e para. Unaza e Burrelit eshte simboli i nje modeli qeverisjeje ku deshtimi nuk ndeshkohet, por financohet perseri me parate e qytetareve”, tha Vata.
Unaza e Burrelit e ndërtuar gjatë vitit 2025, 960 metra rrugë, është shkatërruar që në janar të këtij viti me qëllim shmangien e trafikut në qytet. Që prej fillimit të vitit, nuk ka pasur asnjë ndërhyrje për ta rregulluar.
Rruga ka pësuar çarje dhe shembje të asfaltit në 3 vende, duke e bërë të pakalueshme si për këmbësoret ashtu edhe automjetet. Projekti u realizua nga Ulza” sh.p.k. Zona ka pasur precedentë rrëshqitjeje të dokumentuar me vendime dëmshpërblimi ndër vite nga Këshilli Bashkiak.
