Një i ri ka dhënë një mesazh të fortë nga protesta qytetare që ka hyrë sot në ditën e saj të 47. Ai deklaroi se të rinjtë janë të vendosur për të krijuar Shqipërinë e re, ndërsa shtoi se Rama e ka lakun në fyt.
“Sara Mile na quajti kloun, Rama dështarëk-zërmërak, Gonxhja një tufë budallenj. Nuk e di për ju, por kur vi në këtë shesh shoh qytetarë, patriotë, njerëz që e duan Shqipërinë. Sorrat dhe korbat i shoh në Parlament, dhe dështakët. Ata bëjnë gjasme që votojnë ligje në interes të tyre.
Zemërak shoh ata të PS që shajnë qytetarë. Në këtë shesh shoh atdhetar dhe njerëz të fuqishëm që janë të gatshëm të durojnë dhe në parlament shoh frikacakë që nuk përballen me vullnetin e lirë. Në këtë shesh shoh njerëz të fuqishëm që janë të gatshëm të durojnë padrejtësi nga pushtetarët e tyre. Në parlament shoh frikacakë, që nuk përballen me këtë popull, por e shajnë dhe shantazhojnë. Ata e dinë shumë mirë që janë të inkriminuar, Edi Rama nuk ka ndërmend ta japë dorëheqjen, pasi e di që lakun e ka në fyt. Fuqia qëndron në duart tona. Nuk do e lëmë më në mëshirën e fatit vendin, por fatin e ndërtojmë vetë.
Nuk kemi nevojë për lëmoshën tuaj, jemi të lodhur nga intrigat dhe fyerjet. Kemi ardhur këtu se duam ndryshim, duam një Shqipëri të re. Shqipëria e re nis duke shporrur klasën e vjetër politike, që shporr e dëmton rininë dhe e dëbon nga Shqipëria. Ata e kanë kuptuar se po të dëbojnë të rinjtë, do të kenë pushtetin, se e kanë kuptuar se pa rini nuk ka Shqipëri. Dua ta mbyll me një fjalim për ata që nuk janë në këtë shesh, si policët. Ata detyrohen të mbrojnë pushtetin, pasi ata bëjnë detyrën e tyre. Duhet t’i respektojnë se po bëjnë detyrën e tyre. Përveç policëve iu bëj thirrje punonjësve të administratës.
Ata janë mashtruar, gënjyer nga ky sistem, iu kanë bërë lavazh truri. Ata nuk janë zgjuar akoma. Duhet t’i zgjojmë ata.”, tha ai.
