“Vendos populli i Shqipërisë”/ I dërguari i Trump vizitë në Kryegjyshatë: Shteti Bektashi? Komuniteti ndërkombëtar do mbështesë vendimin që do merret

Kryegjyshata Botërore Bektashiane ka organizuar konferencën jubilare “Traditë, besim, kulturë dhe vizion në të ardhmen”, një veprimtari e cila përkon me tre përvjetorë historikë: 35-vjetorin e rihapjes pas rënies së regjimit komunist, 11-vjetorin e përurimit të kompleksit kryesor dhe 15-vjetorin e drejtimit të Kryegjyshatës nga Kryegjyshi Botëror, Baba Mondi.

Aktiviteti mblodhi krerët e komuniteteve kryesore fetare në vend, përfshirë kryetarin e KMSH-së, Bujar Spahiu, Imzot Gjergj Metën nga Kisha Katolike si dhe përfaqësues të Kishës Ortodokse, të cilët vunë theksin te harmonia dhe bashkekzistenca shembullore ndërfetare.

Read more:10 vite nga shenjtërimi i Nënë Terezës, humanistja shqiptare që ia kushtoi jetën të varfërve

Sfondit jubilar i u shtua prania e veçantë e Paolo Zampollit, përfaqësues i posaçëm i qeverisë amerikane për partneritetet globale dhe ambasador i veçantë i Presidentit Donald Trump. Gjatë komunikimit me mediat në këtë ditë që përkoi edhe me shenjtërimin e Nënë Terezës, Zampolli përcolli qëndrimet e Uashingtonit për rajonin.

Read more:Dita e Abaz Aliut kulmon pelegrinazhin në Malin e Tomorrit, baba Mondi: Në këtë vend të shenjtë na bashkon besimi dhe dashuria për njeriun! Janë vlera që duhet t’i ruajmë (VIDEO)

Ai nënvizoi se Presidenti Trump dhe Sekretari i Shtetit Rubio besojnë fuqishëm te dialogu ndërfetar dhe mbështetja për të gjitha shtëpitë e besimit. Zyrtari amerikan konfirmoi se Shqipëria mbetet një aleate strategjike e rëndësishme, ndërsa njoftoi se ambasadori i ri i SHBA-së, i emëruar për të shërbyer nën vizionin e administratës “Amerika e Parë”, pritet të mbërrijë së shpejti në Tiranë.

Read more:Kryeministri Spajić njoftoi veprimtari për destabilizimin e Malit të Zi nga rajoni, Vijesti: Bëhet fjalë për Serbinë dhe Shqipërinë

I pyetur nga gazetarët mbi projektin për krijimin e një Shteti Sovran të Urdhrit Bektashi, nismë e prezantuar më parë nga kryeministri Edi Rama — i dërguari amerikan theksoi se fjalën përfundimtare e kanë vetë qytetarët. Zampolli u shpreh se komuniteti ndërkombëtar do të respektojë vendimmarrjen e vetë popullit shqiptar. “Kam dëgjuar për këtë që ka folur kryeministri. Njerëzit tuaj vendosin ose do të vendosin dhe besoj se komuniteti ndërkombëtar do të respektojë vendimin e njerëzve në Shqipëri. Nëse populli e do këtë, është gjë e mirë, por populli duhet të flasë,” deklaroi Zampolli, i cili zhvilloi edhe një sërë takimesh informale me zyrtarë e përfaqësues të institucioneve në vend.