Ish-deputeti i Partisë Demokratike Ervin Salianji e konsideron Sali Berishën si të dëmshëm për opozitën. Duke folur për protestën e dështuar të 17 prillit në ‘Studio 24’, Salianji tha se Berisha nuk arrin të mbledhë më njerëz dhe se PD është sot më e dobët se kurrë më parë.
Referuar të thënave të Berishës ‘kilometri i fundit’ apo ‘regjimi i tmerrua dhe Rama nuk po di ku të shkojë’, ish-deputeti thotë se vetëm e dëmtojnë imazhin e një opozite të dobësuar dhe se gjuha e komunikimit duhet ndryshuar.
“Nga ana përmbajtësore nuk sjell asnjë të re. Protesta është e domosdoshme. Pritshmëritë e ngritura nga Berisha ia ulin vlerën. Qoftë nga gjuha që Rama nuk do jetë këtë javë më, kilometri i fundit, edhe gjuha më pas një gjuhë e tejkaluar dhe që dëmton opozitën. Nuk mund të thuhet që regjimi u tmerrua dhe Rama nuk po dijë ku të shkojë.
Duhet një gjuhë e re komunikimi. Berisha ka kontributet e veta, por tani është i pamjaftueshëm, bile tani është i dëmshëm. Duhet shpejtësi e madhe, duhet përballje e fortë. Kemi 13 vite dhe jemi shumë më dobët se më parë. Të gjithë elementët që kanë të bëjnë me deformimin e vullnetit të zgjedhësve janë njësoj si në 2021, dhe 2025. Gabim me zgjedhjen e kandidatëve për deputet. Një prej arsyeve pse protesta ishte dobët në pjesëmarrje, janë shmangur njerëzit në struktura që kanë kontribut. Aq njerëz PD i mbledh në një qytet. Duhej një strategji e re absolute.
Berisha tha Rama nuk mi vjedh zgjedhjet, e copëtoj Ramën. Vendosi një nen, nenin Basha që të hiqeshin elementët është apo jo farsë. Nëse PD as zgjedhjeve nuk është forcë qeverisëse kryetari i partisë e humbet funksionin. Nga pikëpamja legale Berisha nuk është më kryetar që nga 11 maji”, ka deklaruar Salianji.
