Barcelona ka vendosur Victor Osimhen si një nga objektivat kryesore për repartin ofensivë përpara merkatos së verës, sipas raportimeve nga Catalunya Radio.
Klubi katalanas e ka bërë përforcimin e pozicionit të qendërsulmuesit prioritet, por transferimet e emrave të mëdhenj si Julian Alvarez, Erling Haaland dhe Harry Kane konsiderohen të vështira për shkak të kufizimeve financiare dhe strukturës aktuale të klubit.
Për këtë arsye, drejtoria sportive, e udhëhequr nga Deco, po fokusohet në alternativa më të arritshme, ku Osimhen renditet ndër kandidatët kryesorë.
Aktualisht pjesë e Galatasaray, sulmuesi nigerian vlerësohet për forcën fizike, lëvizjen inteligjente dhe instinktin për gol, cilësi që e bëjnë një profil të përshtatshëm për nevojat e Barcelonës.
Megjithatë, një transferim i mundshëm mbetet i ndërlikuar. Paga e lartë e Osimhen përbën një sfidë serioze për klubin spanjoll, i cili vazhdon të operojë nën kufizime të forta financiare.
Pavarësisht kësaj, 27-vjeçari konsiderohet një opsion realist, ndërsa Barcelona po ndjek një strategji më pragmatike në merkato, duke balancuar ambicien sportive me realitetin ekonomik. /Telegrafi/
