Një video e Donald Trumpit dhe Melania Trumpit nga një darkë e organizuar në Shtëpinë e Bardhë në nder të Mbretit Charles III dhe Mbretëreshës Camilla ka tërhequr vëmendje të madhe në rrjetet sociale. Në pamje, Melania duket se i bën të qartë Trumpit se nuk dëshiron t’ia mbajë dorën.
Teksa po pozonin për fotografët, të dy u panë të tendosur. Në një moment, Melania e lëshon dorën e tij, ndërsa më pas u buzëqesh me një buzëqeshje të ngrirë fotoreporterëve të pranishëm.
Më vonë, Trump tenton sërish t’i afrohet dhe t’ia kapë dorën; për pak çaste ata i ndërthurin gishtat, por situata vazhdoi të interpretohej si e sikletshme. Shumë përdorues në rrjetet sociale kanë komentuar se nga ky moment “duket qartë” se ajo nuk e duron.
Read more (Video):Hamza: Krizat politike rënduan mbi qytetarët, qeverisja solli stagnim dhe përkeqësim
“Definitivisht është koha të divorcohen”, “Nuk do të ketë asgjë me të dhe as që e fsheh më”, “Çfarë poshtërimi për Trumpin”, janë disa nga komentet e shkruara në X (ish-Twitter).
Në të njëjtën mbrëmje, Trump u ndal edhe te një moment personal teksa përshëndeti Mbretin Charles III dhe Mbretëreshën Camilla në Shtëpinë e Bardhë, duke kujtuar prindërit e tij të ndjerë dhe duke theksuar lidhjen e nënës së tij me Mbretërinë e Bashkuar.
Read more (Donald Trump):“Bllokada detare, më efektive se bombardimet”/ Trump nuk dorëzohet: Irani s’mund të ketë armë bërthamore, po mbytet si një…
“Ata ishin të martuar 63 vjet dhe – më fal, nëse s’e ke problem – ky është një rekord që ne s’do të mund ta arrijmë, zemër. Më vjen keq, thjesht nuk shkon kështu… do t’ia dalim mirë, por jo aq mirë sa 63 vjet”, i tha ai Melanias. /Telegrafi/
