Një çift britanik i arrestuar në Iran ka rrëfyer për herë të parë për mediat jetën e vështirë në burgun famëkeq Evin Prison, ku po vuajnë një dënim të rëndë për akuza që i mohojnë kategorikisht.
Lindsay Foreman, 53 vjeç, dhe bashkëshorti i saj Craig Foreman, 52 vjeç, u arrestuan në janar 2025 gjatë një udhëtimi me motor rreth botës, nën dyshimet për spiunazh. Ata janë dënuar me 10 vite burg, një vendim që e konsiderojnë të padrejtë, shkruan BBC.
Në një intervistë telefonike nga burgu, Lindsay tregon se përpiqet të ruajë qetësinë duke lexuar, duke bërë ushtrime dhe joga, por pas 16 muajsh në paraburgim pranon se situata është bërë e rëndë.
“Po përballem me realitetin se mund të qëndrojmë këtu për një kohë shumë të gjatë,” shprehet ajo.
Ndërsa Craig shton: “Ndjej se po e shpërdorojmë jetën dhe po kalbemi këtu. Ne jemi të pafajshëm”.
Read more (iran):Infantino: Irani do të jetë në Kupën e Botës, do të luajë 3 ndeshjet e fazës së grupeve në SHBA
Ai i bën thirrje qeverisë britanike të ndërhyjë: “Veproni, flisni, na nxirrni nga këtu. Ndihemi si pre e lehtë”.
Çifti mbahet në qeli të ndara brenda të njëjtit burg dhe komunikon rrallë me familjen. Djali i Lindsay, Joe Bennett, tashmë merr telefonata të rregullta nga prindërit, por bisedat janë të vështira, shpesh ndërpriten dhe monitorohen.
Çdo pak minuta, një mesazh në gjuhën persiane ndërpret telefonatën, duke paralajmëruar se thirrja vjen nga burgu dhe personi është i burgosur.
Çifti ka përjetuar gjithashtu frikë të madhe gjatë tensioneve të fundit ushtarake në Iran. Lindsay tregon se një shpërthim i afërt bëri që dritaret e burgut të thyheshin, ndërsa ajo ishte në telefon me të birin.
Read more (Mediat):OBRM-PDUKM: Filipçe nuk është i besueshëm dhe legjitim të flasë për lirinë e medive
Ndërkohë, kushtet në burg mbeten të vështira. Craig tregon për mungesë higjiene, kujdesi shëndetësor dhe dhunë mes të burgosurve.
“Ka përleshje dhe armë të improvizuara. Duhet të qëndrosh larg problemeve,” thotë ai.
Craig ndan qelinë me të burgosur të huaj dhe thotë se ka krijuar një lloj solidariteti, ndërsa Lindsay përballet me izolim më të madh, pasi nuk ka persona që flasin anglisht në qelinë e saj.
Ajo pranon se, pavarësisht formimit të saj në psikologji pozitive, ka ditë dëshpërimi të thellë.
Read more (paraburgim):Akuzohet se tentoi të vriste Trump në darkën me gazetarët/ Del fotoja e autorit pak para sulmit, pozoi para pasqyrës me armë
“Ka njerëz që kanë vite këtu. Është shumë e padrejtë,” thotë ajo mes lotësh.
Çifti kishte nisur një udhëtim me motor nga Evropa drejt Australisë dhe kishte hyrë në Iran nga Armenia, duke planifikuar të qëndronte vetëm disa ditë. Lindsay po zhvillonte një studim mbi atë që përbën “një jetë të mirë”.
Por pikërisht këto pyetje duket se ngritën dyshime tek autoritetet iraniane.
“Ishim të vetëdijshëm për rrezikun, por nuk mendonim se turistë të pafajshëm do të përfundonin në burg për kaq gjatë pa prova,” shprehet ajo.
Read more (Prindërit):Kushtetuesja i hap rrugë ndërtimit të Qendrës Rezidenciale për fëmijët me nevoja të veçanta në Kosovë
Çifti tregon se ka qenë dëshmitar i një realiteti të rëndë në burg. Craig thotë se disa të burgosur janë marrë për ekzekutim dhe lajmet janë bërë publike në media ditën tjetër.
Ndërsa Lindsay thekson se shumë iranianë përballen me kushte edhe më të rënda, duke përmendur raste të dënimeve me vdekje për pjesëmarrje në protesta.
“Për ne do të ketë fund një ditë. Por për disa prej këtyre njerëzve, jo,” thotë ajo.
