Marco Van Basten ka një ide shumë të qartë për krizën e futbollit italian. Ish-ylli i Milanit dhe Holandës, i intervistuar nga Carlo Pellegatti në promovimin e librit të ri “50 ndeshje, emocione të pambarimta, Milan”, ka kritikuar pronarët aktualë të klubit kuqezi.
Van Basten i sheh pronarët e huaj të klubeve si pengesën kryesore në Serie A.
“Aktualisht ka shumë pronarë të huaj klubesh në Itali. Ata nuk kanë të bëjnë fare me historinë e klubeve, interesohen vetëm për veten. Do të ishte shumë i rëndësishëm rikthimi i futbollit italian në duart e italianëve, që të kthehet më pas në majën e Evropës”, tha ai.
Read more:Eurostat: Shqiptarët investuan 760 mln euro në pasuri të paluajtshme jashtë vendit në 2023
Dhe si shembull holandezi merr Milanin e tij, me të cilin ka fituar “Topin e Artë” në vitin 1988.
“Një shembull është Milani, që nuk është më ai që ishte. E ndjek dhe shpresoj ta marrë veten shpejt, sepse sot Interi dominon Italinë dhe kjo gjë nuk më pëlqen fare”, vijoi ai.
Read more:Si e ktheu Interi zhgënjimin e sezonit të shkuar në forcë drejt trofeve
Për kombëtaren e Italisë, Van Basten u shpreh: “E kam parë Italinë, tani i mungojnë yjet. Italia ka pasur gjithmonë një portier të madh, një mbrojtës të madh, një mesfushor të madh, një sulmues të madh. Sot për sot është e vështirë t’i shohësh, është e çuditshme. Dikur futbolli italian komandonte botën, sot nuk është kështu. Në Botëror bëj tifo për Holandën, por nuk pres shumë gjëra. Atëherë do të bëj tifo për Brazilin e Carlo Ancelottit”, tha ndër të tjera ikona Marco Van Basten.
