Komuna e Pejës, përkatësisht Drejtoria për Bujqësi, Pylltari dhe Hidroekonomi, ka publikuar listën e fermerëve përfitues nga skema për serrat bujqësore prej 1 ari, në kuadër të bashkëpunimit me Organizatën “Islamic Relief Worldwide – Zyra në Kosovë”.
Sipas dokumentit zyrtar, lista e përfituesve vjen pas thirrjes publike të datës 16 mars 2026 dhe bazohet në marrëveshjen e bashkëpunimit ndërmjet Komunës së Pejës dhe “Islamic Relief Worldwide – Zyra në Kosovë”, e nënshkruar më 14 mars 2026.
Read more:Përplasje në Pejë, “Siparantum” akuzon për injorim dhe tarifa – reagon Drejtoria e Kulturës
Në njoftim thuhet se bëhet fjalë për listën e fermerëve aplikues/përfitues për “serra 1-ari”, ndërsa dokumenti mban datën 08.05.2026 dhe është lëshuar nga Drejtoria për Bujqësi, Pylltari dhe Hidroekonomi në Pejë (bashkëfinancim me Islamic Relief Kosova).
Lista përmban emrat e përfituesve, vendbanimin dhe numrin identifikues, ndërsa për secilin përfitues është shënuar se mbështetja është për “serrë 1 ari”.
Read more:"Keqtrajtim apo braktisje e fëmijës", arrestohet një person në Pejë
Telegrafi do të raportojë edhe për hapat e radhës të këtij programi, përfshirë mënyrën e realizimit të mbështetjes dhe afatet për përfituesit, nëse institucionet ofrojnë sqarime shtesë. /Telegrafi/
