Një kolon izraelit do të dalë në gjyq pasi akuzohet se sulmoi dhe plagosi një murgeshë katolike franceze në Jerusalem, në një incident që autoritetet izraelite e kanë cilësuar si sulm të motivuar nga urrejtja fetare.
Sipas Ministrisë Izraelite të Drejtësisë, i dyshuari është 36-vjeçari Yona Simcha Schreiber, banor i vendbanimit Pendwell në Bregun Perëndimor të pushtuar. Ai ndodhet në paraburgim që prej 29 prillit, ndërsa prokuroria ka kërkuar që të qëndrojë i arrestuar deri në zhvillimin e gjyqit.
Read more:Izraeli padit një burrë hebre të akuzuar për sulm ndaj një murgeshe të krishterë
Sulmi ndodhi në zonën e Malit Sion, pranë Qytetit të Vjetër të Jerusalemit, ku murgesha franceze 48-vjeçare, studiuese në Institutin Francez për Kërkime Biblike dhe Arkeologjike, u sulmua fizikisht.
Pamjet e kamerave të sigurisë tregojnë momentin kur burri e shtyn me forcë murgeshën përtokë, duke rrezikuar që ajo të godiste kokën në një gur. Më pas ai largohet për pak çaste, por rikthehet dhe e godet me shqelma, derisa një kalimtar ndërhyn për ta ndalur. Konsullata franceze në Jerusalem dënoi ashpër sulmin dhe kërkoi që autori të vihet para drejtësisë. Edhe Ministria e Jashtme e Izraelit reagoi ndaj ngjarjes, duke e cilësuar incidentin si “të turpshëm”.
