Një varg qepësh me gjatësi 110 metra, sa vetë gjatësia e Urës së Mesit, është vendosur këtë të mërkurë mbi monumentin historik, në një iniciativë të fermerit nga Postriba, Kujtim Plangaj.
Nisma realizon një premtim të dhënë tre vite më parë dhe synon të promovojë një nga traditat më të vjetra të zonës – kultivimin e qepës, një kulturë bujqësore që daton prej rreth 300 vitesh në Postribë.
Vendosja e vargut u bë e mundur falë angazhimit vullnetar të banorëve të zonës, si edhe të të rinjve të Act4Shkodra, të cilët kontribuuan në realizimin e kësaj nisme simbolike.
Read more:Samiti G7, Zelensky i ofron takim Putinit, Kremlini e refuzon propozimin
Vetë Kujtim Plangaj u shpreh i lumtur që arriti të konkretizojë këtë ide, ndërsa falënderoi të gjithë ata që u bënë pjesë e organizimit.
“Ndihem shumë i lumtur. Premtimin e dhënë para tre vite më parë e mbajta. E mora këtë iniciativë se kjo qepë është e jashtëzakonshme, e para në botë për shije, e mora edhe për banorët e kësaj zone që janë shumë punëtorë“, tha ai.
Read more:4 mln euro për koncertin e Kanye West, Kapri nxjerr videon: Kush gënjen Rama apo ministrja?
Sipas tij, kjo iniciativë jo vetëm promovon traditën e kultivimit të qepës në Postribë, por pritet të zgjojë edhe më shumë interesin e turistëve që vizitojnë Urën e Mesit dhe zonën përreth.
Për realizimin e vargut gjigant, Plangajt iu deshën pesë ditë punë, ndërsa vargu ka një peshë prej rreth 1.2 tonësh, duke u kthyer në një simbol të punës, traditës dhe identitetit bujqësor të Postribës.
