Turistë vendas dhe të huaj vijojnë të zgjedhin Velipojën për të kaluar ditët e nxehta të verës. Shumë prej tyre shprehen se investimet në përmirësimin e kushteve të plazhit i ka bërë që të zgjedhin këtë bregdet.
Këto janë pamjet nga vija bregdetare e Velipojës, e cila edhe këtë verë vijon të tërheqë qindra pushues vendas dhe të huaj.
Plazhi, ujërat e pastra dhe qetësia që ofron zona, siç thonë edhe vetë pushuesit, e bëjnë Velipojën një nga destinacionet e preferuara për të kaluar pushimet.
Ata thonë se janë të kënaqur për shkak të përmirësimit të kushteve dhe investimeve në vijën bregdetare.
“Kam 10 vite që vij po këtu. Ka përmirësim, më parë nuk ka pasur tualete publike. Tani kanë investuar, ka edhe pastërti. Faleminderit shumë për mikpritjen” thotë një turist
“Të gjithë e shohin se Velipoja në të gjitha drejtimet është mirë” tregon një tjetër
“Unë për vete kam për të thënë vetëm fjalët më të mira, sidomos këtë vit. Velipoja në Shqipëri është numër 1.” thotë një turist
Read more:E premtja me mot të nxehtë, temperatura të larta në të gjithë vendin
“Jemi shumë të kënaqur, edhe me punën që ka bërë bashkia, edhe me çadrat që janë vendosur këtu.” rrëfehet një tjetër.
Çdo vit numri i vizitorëve që zgjedhin Velipojën, duke e cilësuar si një nga plazhet më tërheqëse që ka vendi, vjen duke u rritur.
