Protesta e 47-të qytetare është shoqëruar me pankarta dhe mesazhe kundër qeverisë, ku qytetarët kanë shprehur pakënaqësitë e tyre ndaj mazhorancës dhe kryeministrit Edi Rama.
Në duart e protestuesve janë parë pankarta me thirrje si “Rama n’burg, Balluku n’burg” dhe “S’jemi numra, por zëra!”, ndërsa një pjesë e tyre kanë kërkuar edhe dorëheqjen e kryeministrit.
Përmes mesazheve të afishuara, protestuesit kanë kërkuar ndryshim politik, më shumë transparencë dhe përgjegjësi nga institucionet shtetërore.
