Roskovec-Fshati Vidhisht në Roskovec u trondit mëngjesin e kësaj të premteje nga një krim i rëndë në familje. 35-vjeçari Nertil Buzi, i cili kishte ndryshuar emrin në Refit, shkoi në banesën e ish-partneres, Rozalinda Plaku dhe hapi zjarr me armë gjahu ndaj familjarëve.
“Dëgjova krisma në 5 të mëngjesit, ishim në gjumë dhe dola në ballkon dhe pashë që ishte nga shtëpia e xhaxhait. I bija telefonit të policisë dhe nuk përgjigjej” tha nipi i viktimës.
“Ne dëgjuam britmat, por nuk hynim dot brenda se ai bërtiste ‘do t’ju vras të gjithëve’. Djali im njoftoi policinë dhe policia ka ardhur pas një ore.” tha vëllai i viktimës
Nga breshëria, mbeti i vrarë Kosta Plaku, ish-vjehrri i autorit, ndërsa bashkëshortja e tij, Belere Plaku, u plagos rëndë. Pas sulmit, autori mori me forcë ish-të fejuarën dhe u largua me automjet drejt ish-fushes së aviacionit ne Kurjan.
“Ka vrarë babanë e ish-të dashurës dhe ka plagosur nënën. Ka marrë të dashurën me makinë dhe ka dalë në zonë periferike. Për shkak të rrezikshmërisë ka ardhur RENEA. Është bërë e mundur të lirohet e dashura e vet që ndodhet jashtë rrezikut. Jemi ende duke negociuar me autorin për t’u dorëzuar” tha Erion Ahmeti, drejtor i policisë së Fierit.
Të rinjtë, të cilët jetonin rreth 2 kilometra larg njëri-tjetrit, kishin qenë të fejuar para disa vitesh, por lidhja ishte ndërprerë nga Rozalinda. 24-vjeçarja vijonte studimet për infermieri në Tiranë, ndërsa autori ishte kthyer nga emigracioni pas disa vitesh në Angli. Familjarët pretendojnë se ai nuk e kishte pranuar ndarjen dhe e kercenonte vazhdimisht.
“Kjo është një ngjarje e paralajmëruar. Vajza e denonconte, policia e arrestonte dhe prokuroria nuk bënte asgjë dhe ai dilte prapë. Si çift nuk shkonin mirë dhe janë ndarë dhe ai nuk e pranonte këtë gjë. Ai ka kërcënuar me armë vajzën në Tiranë. E ka marrë policia dhe e ka nxjerrë pas një muaji” tha nipi i viktimës
“Kishin probleme në çift. Tre herë ka hyrë brenda ai dhe tre herë ka dalë. E mbajtën një muaj brenda, e nxorën në arrest shtëpie. I thoshte vajzës ‘ti pa mua nuk jeton’.” tba vëllai i viktimës.
Familjarët e autorit japin një tjetër version për konfliktin. Sipas tyre, përplasja mes çiftit lidhet edhe me një shumë parash që Buzi pretendon se ia kishte dërguar ish-partneres gjatë kohës që jetonte në Angli.
“Mua s’më thotë gjë, vetëm punë lekësh.. Iku çuni andej, pastaj u shkëputën. Ajo iku në Tiranë. Ky i dërgonte paratë që andej, nga Anglia. E denoncoi ajo, e futën çunin brenda dhe ndenji 4 muaj. Ata duheshin me njëri-tjetrin, por më pas u zunë. Ne kishim bërë dhe fejesën, por pastaj nuk donte më ajo. Nuk e di pse e la, por pse i mori lekët? Fliste në telefon me çupën dhe ajo i thoshte: nuk më lë babi me mamin të të jap lekët” thanë ata
Ndryshe familjaret e Rozalindës, thane se ai e perndiqte dhe e kishte kercenuar me arme ne Tirane, ndaj gjykata e kishte pajisur me urdher-mbrojtje.
“I dhunshëm ka qenë ai. Vajza ishte e frikësuar. Gjithnjë e kërcënonte. E mori njëherë se e donte për nuse. Kishin disa vite bashkë, pastaj e la ajo. Edhe në Tiranë i ka dalë para vajzës me pistoletë. Vajza është studente për infermiere. Ndenji ca kohë ai në burg, por e nxorën në arrest shtëpie. Por ai s’rrinte brenda fare. Ajo kishte urdhër-mbrojtje” thotë kunata e viktimës
Megjithatë, drejtori i Policisë së Fierit i rrëzoi këto pretendime, duke thënë se në momentin e ngjarjes autori nuk rezultonte me masë aktive sigurie nga gjykata.
“Nuk ka qenë me masë sigurie. Ne po punojmë për ta neutralizuar, më pas do kryhen veprimet e nevojshme hetimore” tha drejtori i Policisë së Fierit
Me ndërhyrjen e policisë dhe RENEA-s, 32-vjeçari liroi ish-partneren, ndërsa vetë vrau veten pasi qëndroi i ngujuar në makinë për disa orë.
Emri i Nertil Buzit është përmendur në vitin 2022 nga mediat britanike, ku thuhet se është mbajtur peng nga disa bashkëkombës për një borxh prej 400 mijë paund.
Policia tregon detajet e operacionit për kapjen e Refit Buzit në Roskovec: Refuzoi të dorëzohej, më pas qëlloi veten brenda në makinë (FOTOT)
Policia ka dhënë detaje shtesë për ngjarjen e rëndë në fshatin Vidhisht të Roskovecit. Sipas njoftimit, pasi ish-të dashura e 35-vjeçarit u lirua falë ndërhyrjes së Policisë, ekipi negociator i RENEA-s, në bashkëpunim me shërbimet e Drejtorisë Vendore të Policisë Fier dhe nën drejtimin e prokurorit, vijoi negociatat me të për ta bindur të dorëzohej dhe për të shmangur përshkallëzimin e situatës.
Policia bën me dije se, pavarësisht negociatave që zgjatën që nga orët e para të mëngjesit, 35-vjeçari nuk iu bind thirrjeve për t’u dorëzuar dhe, rreth orës 16:35 është vetëvrarë me armën e gjahut që mbante me vete, brenda makinës.
Njoftimi i policisë
“Roskovec, Fier/Informacion shtesë
Në vijim të informacionit paraprak për ngjarjen e rëndë kriminale të ndodhur në fshatin Vidhisht, Roskovec, ku shtetasi R. B., 35 vjeç, vrau me armë gjahu babanë e ish-të dashurës së tij, plagosi nënën e saj dhe mori peng ish-të dashurën, shtetasen R.P, ju informojmë se: Pas lirimit të saj falë veprimeve profesionale të Policisë, ekipi negociator i RENEA-s, në bashkëpunim me shërbimet e Drejtorisë Vendore të Policisë Fier, nën drejtimin e Prokurorit, vijoi negociatat me 35-vjeçarin, me qëllim bindjen e tij për t’u dorëzuar dhe për të shmangur përshkallëzimin e mëtejshëm të situatës.
Pavarësisht negociatave intensive, të zhvilluara që prej orëve të para të mëngjesit, 35-vjeçari nuk iu bind thirrjeve të Policisë për t’u dorëzuar dhe, rreth orës 16:35, dyshohet se është vetëvrarë me armën e gjahut që mbante me vete, brenda automjetit. Grupi hetimor, nën drejtimin e Prokurorit, vijon veprimet për dokumentimin e plotë të rrethanave dhe shkaqeve të kësaj ngjarjeje të rëndë kriminale.
Roskovec/ Pas vetëvrasjes së 35 vjeçarit Refit Buzi, zona rrethohet nga policia, mbërrin ambulanca (VIDEO)
Pamjet që sjell korrespondentja e Report TV, Marsela Topi, tregojnë momentet pas përfundimit të operacionit në Roskovec. Në video shihet automjeti ku ishte ngujuar 35-vjeçari, me dyert e hapura, ndërsa në vendngjarje kanë mbërritur ambulanca, forca të shumta policie dhe efektivë të RENEA-s.
Operacioni përfundoi pasi 35-vjeçari, i dyshuar për vrasjen e ish-vjehrrit, plagosjen e ish-vjehrrës dhe marrjen peng të ish-bashkëshortes, vrau veten. Zona vijon të mbahet e rrethuar, ndërsa priten veprimet e grupit hetimor dhe ekspertëve për dokumentimin e plotë të ngjarjes.
RENEA tentoi negociatat, pas disa orësh ngujimi në makinë, vetëvritet 35-vjeçari që vrau ish-vjehrrin dhe mori peng ish-bashkëshorten në Roskovec
35-vjeçari Refit (Nertil) Buzi, i dyshuar për ngjarjen e rëndë në Roskovec,ka vrarë veten me armë zjarri pas disa orësh negociata me forcat e policisë.
Ai ishte i rrethuar nga forcat speciale RENEA në zonën e ish-fushës së helikopterëve në fshatin Kurjan, ku qëndroi i ngujuar në automjetin e tij, ndërsa negociatorët tentuan disa herë ta bindnin të dorëzohej.
Më herët, 35-vjeçari dyshohet se vrau me armë gjahu ish-vjehrrin e tij, Kosta Plakun, plagosi ish-vjehrrën, Bejlere Plakun, dhe mori me forcë ish-të dashurën, Rozalinda Plakun. E reja u lirua disa orë më vonë gjatë operacionit të policisë.
Autoambulanca dhe forca të shumta policie janë afruar pranë automjetit ku ndodhet prej disa orësh 35-vjeçari.
Njoftimi i Policisë së Shtetit
“Në vijim të informacionit paraprak për ngjarjen e rëndë kriminale të ndodhur në fshatin Vidhisht, Roskovec, ku shtetasi R. B., 35 vjeç, vrau me armë gjahu babanë e ish-të dashurës së tij, plagosi nënën e saj dhe mori peng ish-të dashurën, shtetasen R.P, ju informojmë se:
Pas lirimit të saj falë veprimeve profesionale të Policisë, ekipi negociator i RENEA-s, në bashkëpunim me shërbimet e Drejtorisë Vendore të Policisë Fier, nën drejtimin e Prokurorit, vijoi negociatat me 35-vjeçarin, me qëllim bindjen e tij për t’u dorëzuar dhe për të shmangur përshkallëzimin e mëtejshëm të situatës.
Pavarësisht negociatave intensive, të zhvilluara që prej orëve të para të mëngjesit, 35-vjeçari nuk iu bind thirrjeve të Policisë për t’u dorëzuar dhe, rreth orës 16:35, dyshohet se është vetëvrarë me armën e gjahut që mbante me vete, brenda automjetit.
Grupi hetimor, nën drejtimin e Prokurorit, vijon veprimet për dokumentimin e plotë të rrethanave dhe shkaqeve të kësaj ngjarjeje të rëndë kriminale”
U plagos nga ish-dhëndrri në tragjedinë e Roskovecit, 55-vjeçarja 5 orë në sallën e operacionit, gjendja vijon të jetë e rënduar
Pas një operacioni që ka zgjatur mbi 5 orë, Bejlere Plaka, e cila mbeti e plagosur gjatë sulmit me armë në banesën e saj në Vidhisht të Roskovecit, është në kujdesin intensiv të mjekëve Sipas informacioneve, 55 vjeçarja ka pësuar dëmtime të shumta në pjesën e barkut dhe po merr kujdes intensiv. Gjendja e saj mbetet e rëndë.
Plaka mbeti e plagosur mëngjesin e së premtes në banesën e saj në fshatin Vidhisht të Roskovecit, ku 35-vjeçari Refit (Nertil) Buzi dyshohet se vrau me armë gjahu ish-vjehrrin e tij, Kosta Plakun. Pas ngjarjes, ai dyshohet se mori me forcë ish-të dashurën, Rozalinda Plakun, të cilën e liroi disa orë më vonë, ndërsa forcat RENEA e rrethuan dhe nisën negociatat për dorëzimin e tij. 24-vjeçarja, e cila u mbajt peng ndodhet aktualisht në ambientet e Drejtorisë Vendore të Policisë Fier, ku po merret në pyetje nga grupi hetimor.
Mbyllur brenda makinës prej orësh, 35-vjeçari që vrau ish-vjehrrin nuk dorëzohet, RENEA e mban nën rrethim
Pamjet që sjell korrespondentja e Report TV, Marsela Topi, tregojnë automjetin ku është ngujuar autori i dyshuar, ndërsa forca të shumta policie dhe efektivë të RENEA-s kanë rrethuar zonën, duke mbajtur distancë.
Negociatat për ta bindur 35-vjeçarin të dalë nga automjeti dhe të dorëzohet pa lënduar veten vijojnë në fshatin Kurjan, ndërsa operacioni i policisë mbetet në zhvillim.
Sipas policisë, 35-vjeçari dyshohet se mëngjesin e sotëm vrau babanë e ish-të dashurës së tij, plagosi nënën e saj dhe mori peng ish-të dashurën, të cilën e liroi disa orë më vonë pas ndërhyrjes së forcave të rendit.
Negociatat dështojnë sërish, 35-vjeçari që vrau ish-vjehrrin dhe mori peng ish-bashkëshorten refuzon të dorëzohet! Snajperët e RENEA-s në gatishmëri (VIDEO)
Një tjetër përpjekje e negociatorëve për të bindur 35-vjeçarin të dorëzohet ka dështuar pak minuta më parë. Ai vijon të refuzojë çdo thirrje të policisë dhe qëndron i vetëm brenda automjetit prej më shumë se tre orësh.
Forcat e rendit kanë tentuar disa herë ta bindin të vetëdorëzohet, por deri tani pa rezultat.
Ndërkohë, në terren janë pozicionuar edhe snajperët e forcave speciale RENEA, të cilët qëndrojnë në gatishmëri për të ndërhyrë nëse situata përshkallëzohet.
Operacioni policor vijon, ndërsa zona mbetet e rrethuar nga forca të shumta policore.
Snajperi merr pozicion nga larg, vijojnë negociatat me 35-vjeçarin në Roskovec ( VIDEO)
Pamjet e fimuara nga larg që sjell Report TV tregojnë një snajper të pozicionuar në distancë, ndërsa vijojnë negociatat me 35-vjeçarin e dyshuar për ngjarjen e rëndë në Roskovec.
Forcat speciale dhe efektivët e Policisë mbeten në terren, ndërsa operacioni është ende në zhvillim. Sipas policisë, negociatat po vazhdojnë me qëllim dorëzimin e autorit pa shkaktuar pasoja të tjera. Në zonë është vendosur një perimetër sigurie, ndërsa forcat e angazhuara vijojnë të monitorojnë çdo lëvizje.
‘I thashë shkëpute lidhjen”, prindërit e 35 vjeçarit që mori peng ish-bashkëshorten flasin për Report TV: Nuk na tregonte çfarë problemesh kishte, ishte i mërzitur për punë lekësh (VIDEO)
Prindërit e autorit të dyshuar të ngjarjes në Roskovec, Beraze dhe Ismail Buzi, kanë folur për Report TV, duke treguar për marrëdhëniet të mira me ish-bashkëshorten e djalit të tyre.
“Të mos e donim vajzën, nuk do ta linim të afrohej te ne”, tha babai, Ismail Buzi, kur u pyet nëse e donin vajzën.
E ëma tregonse i biri nuk i kishte folur për problemet që kishte, por vetëm i kishte thënë se ishte i mërzitur për çështje lekësh.
“Mua s’më thoshte gjë. Jam mërzitur për punë lekësh, thoshte” tregon më tej.
“Ai thoshte që secili të qëndrojë në hallin e vet”, shton babai.
Sipas tij, në një moment i kishte kërkuar djalit që t’i jepte fund marrëdhënies.
“Atëherë i thashë shkëpute lidhjen, as mos e merr dhe as mos të të marrë”, tha ai.
‘Mos m’u afroni se do të vras veten’, autori i dyshuar i vrasjes në Roskovec nuk dorëzohet, flet drejtori i Policisë Fier: RENEA në negociata ( VIDEO)
“Mos m’u afroni se do të vras veten”, kjo është thirrja që, sipas Policisë së Fierit, po përsërit 35-vjeçari Refit Buzi, i dyshuar për vrasjen e ish-vjehrrit dhe plagosjen e ish-vjehrrës në Roskovec, ndërsa vijon të jetë i rrethuar nga forcat RENEA.
Drejtori i Policisë Fier, Erion Ahmeti, tha se autori vijon të bëjë rezistencë dhe nuk ka pranuar të dorëzohet dhe ndau detaje tw mwtejshme nga operacioni.
“Shtetasi Refit Buzi rreth 35 vjeç, për motive ende të paqarta, ka vrarë me armë gjahu babain e ish të dashurës dhe ka plagosur nënë e saj. Në kushtet e kësaj ngjarje ka marrë të dashurën në makinë dhe është larguar në drejtim të zonës periferike në dalje të Vilkdishtit. Menjëherë pas marrjes së njoftimit, grupi hetimor ka organizuar punën në lidhje me lokalizimin e të gjitha strukturave policore, të vendeve fqinj dhe për shkak të rrezikshmërisë është njoftuar prezenca e forcave kombëtare RENEA. Falë profesionalizmit dhe përkushtimit të të gjithë drejtorisë vendore është bërë e mundur nëpërmjet negociatave që të mund të lirohet e dashura e tij e cila është jashtë rrezikut për jetën në spitalin e Fierit. grupi i drejtorisë vendore dhe të RENEAS me autorin Ende po negociojmë për tu dorëzuar dhe për të bërë të mundur shmangien e viktimave të tjera. Jemi në largësi të autorit. Prokurori po heton dhe po analizon të gjitha shkaqet. Autori nuk ka qenë me masë sigurie. Jemi në kushtet e një debati të lindur me familjen e ish të dashurës. Nuk ka asnjë negociatë të familjarëve të autrorit përvec Reneas dhe grupit të policisë. Autori ka thënë gjithë kohën ‘mos mu afroni do vras veten’. Të gjithë forcat janë në vendngjarje për të parandaluar një viktimë tjetër” tha drejtori i policise Erion Ahmeti
RENEA rrethon vendin ku 35-vjeçari mbajti peng për disa orë ish-bashkëshorten! Negociata për dorëzim (VIDEO)
Forcat e RENEA-as dhe ato të policisë kanë rrethuar vendin ku 35-vjeçari mbajti peng për disa orë ish-bashkëshorten 24-vjeçe.
Vijojnë negociatat për dorëzimin e Refit Buzit, që vrau ish-vjehrrin me armë gjahu.
I vrau babain dhe i plagosi nënën, 35-vjeçari liron ish-bashkëshorten e marrë peng
Rozalinda Plaku e reja që u mor peng nga ish-bashkëshorti është liruar.
Policia ndodhet në vendngjarje dhe po punon që edhe autori të dorëzohet.
Refit Buzi vrau mëngjesin e sotëm babain e 24-vjeçares me armë zjarri dhe plagosi nënën e saj.
Tragjedia në Roskovec, familjarët: Autori e ka kërcënuar vajzën me pistoletë në Tiranë
Kunata e viktimës e trembur pas ngjarjes shprehet se janë të shqetësuar për mbesën e tyre. Ajo tregon se autori edhe më parë e ka kërcënuar vjazën me pistoletë.
“I trembemi edhe një ngjarjeje tjetër, se nuk e dimë ku e ka çuar. Kanë bashkëjetuar disa vitesh, por kishin kohë që ishin ndarë. Ai ka kërcënuar disa herë vajzën edhe në Tiranë me pistoletë. Vajza është studente për infermieri. Vajza ndjehej e kërcënuar gjithmonë nga ai. Rozalina kishte urdhër mbrojtje. Ai qëndroi disa kohë në burg, pastaj doli dhe ka qenë në arrest shtëpie”, tha ajo.
Vrau ish-vjehrrin dhe mori peng ish-bashkëshorten, Report Tv siguron foton e autorit
Report Tv ka siguruar foton e autorit 35-vjeçar që vrau ish-vjehrrin në Roskovec, plagosi ish-vjehrrën dhe mori peng ish-gruan.
Vrau ish-vjehrrin dhe mori peng ish-bashkëshorten, nipi dhe vëllai i viktimës: Na kërcënoi, tha hajdeni se do t’ju vras të gjithëve (VIDEO)
Pas ngjarjes tragjike në Fier, nipi dhe i vëllai i viktimës thanë për Report Tv, se autori ishte një person problematik dhe e kishin denoncuar disa herë në polici.
“E kanë denoncuar disa herë në polici. Ndjeva krismat në orën 05:00 në shëpinë e xhaxhait. Është ngjarje e paralajmëruar disa herë”, tha nipi.
“Dëgjuam zhurmë dhe bërtitje, thoshte hajde se do ju vras të gjithëve. Policia erdhi pas një ore”, tha vëllai i viktimës.
Xh.K/E.H/Shqiptarja.com
