Aktivisti Ilir Xhemalaj ka reaguar ashpër ndaj zhvillimeve të fundit në marrëdhëniet Shqipëri-Serbi, duke kundërshtuar hapjen e një konsullate serbe në Shkodër dhe duke akuzuar qeverinë shqiptare për qëndrime që, sipas tij, dëmtojnë interesat kombëtare.
Gjatë një deklarate, Xhemalaj kujtoi përvojën e tij gjatë luftës në Kosovë, ku në vitin 1999 ai tha se kishte ndihmuar në kampet e refugjatëve shqiptarë në Fier dhe kishte parë pasojat e dhunës së ushtrisë serbe ndaj shqiptarëve të Kosovës.
“Jam këtu për të folur për tradhtinë e radhës që po i bëhet kombit shqiptar. Në vitin 1999 ndihmova në kampin e refugjatëve të shqiptarëve të Kosovës në Fier dhe aty pashë mizoritë e ushtrisë serbe mbi shqiptarët”, u shpreh ai.
Read more:Drejtori i Policisë së Beogradit në pranga, dyshohet për fshehje vrasjeje dhe zhdukje trupi
Xhemalaj kritikoi qëndrimet e ministrisë së Jashtme shqiptare, duke pretenduar se po hiqet dorë nga parimi i reciprocitetit me Serbinë dhe se po barazohet dhuna e kaluar me shqiptarët.
Ai kundërshtoi edhe deklaratat e presidentit serb Aleksandër Vuçiç lidhur me trashëgiminë kulturore shqiptare, duke përmendur lahutën si një çështje të debatueshme mes dy vendeve.
“Vuçiç sot paraqiti lahutën shqiptare si serbe”, tha aktivisti.
Në lidhje me hapjen e një konsullate serbe në Shkodër, Xhemalaj deklaroi se kjo përbën një rrezik dhe kërkoi që ajo të mos lejohet.
“Sot, pasi ministrja serbe na kërcënoi me gjenocid, ministri i Jashtëm kërkon t’ju falë një konsullatë në Shkodër. Nuk do ta lejojmë”, u shpreh ai.
Ai tha se shqiptarët në Preshevë janë autoktonë dhe se Shqipëria duhet të kërkojë hapjen e një konsullate atje, ndërsa e cilësoi konsullatën serbe në Shkodër si një “kurth”.
“Shqiptarët në Preshevë janë autoktonë dhe e meritojnë konsullatën. Konsullata atje është e vonuar. Konsullata në Shkodër është kurth, ata duan të vendosin kufirin në Shkodër dhe më pas të dalin e të thonë se është tokë serbe”, deklaroi ai.
Në fund, Xhemalaj i bëri thirrje ministrit të Jashtëm që, sipas tij, të mbrojë interesat e shqiptarëve në rajon dhe të kërkojë llogari për të zhdukurit e luftës në Kosovë.
“Ke detyrim t’u japësh pasaporta shqiptare shqiptarëve kudo ku ndodhen. Ke detyrim t’i kërkosh llogari Serbisë për 1600 shqiptarë të zhdukur, varret e të cilëve nuk gjenden, 109 prej tyre fëmijë”, tha ai.
Ai e mbylli deklaratën me një apel politik: “Mos i shërbe padronit tënd!”.
“Jam këtu për të folur për tradhtinë e radhës që po i bëhet kombit shqiptar. Në 1999 ndihmova në kampin e refugjatëve të shqiptarëve të Kosovës në Fier she atje pashë mizoritë e ushtrisë serbe mbi shqiptarët. Sot ministri Jashtëm heq shenjë reciprociteti me serbët barazon dhunën e serbëve me shqiptart. Vuçiç sot paraqiti lahutën shqiptare si serbe.
Sot pasi ministrja serbe na kërcënoi me gjenocid, ministri i Jashtëm kërkon t’ju falë një konsullatë në Shkodër, nuk do ta lejojmë.
Shqiptarët në Preshevë janë autoktonë dhe e meritojnë konsullatën konsullata atje është e vonuar. Konsullata në Shkodër është kurth, ata duan ta vendosin kufirin në Shkodër e do të dalin të thonë është tokë serbe.
I drejtohem ministrit të Jashtëm, ti ke detyrim t’u japësh pasaporta shqiptare shqiptarëve kudo ku ndodhen, ke detyrim t’i kërkosh llogari Serbisë për 1600 shqiptarë të zhdukur varret e të cilëvë nuk gjenden, 109 prej tyre fëmijë.
Mos i shërbe padronit tënd”!
