Traktori ngec në lumin Devoll, shpëtohen i moshuari, nipi i tij dhe shoferi! Mjeti bujqësor ishte zhytur deri te kabina (VIDEO)

Tri jetë janë shpëtuar sot në lumin Devoll ku një traktor ishte bllokuar në vendin e quajtur Bishti i Nartës.

Zjarrfikësja e Gramshit bën me dije se janë shpëtuar një i moshuar me nipin e tij dhe drejtuesi i mjetit. Traktori ishte zhytur deri në lartësinë e kabinës.

Read more:Rama mund ta fusë Shqipërinë në fazën e “jostabilitetit të menaxhuar” – Ide

Ndërlikimi i këtij operacioni shpëtimi ishte rreziku që paraqet lumi Devoll për shkak të prurjeve të papritura nga Moglica. Shërbimi zjarrfikës bën thirrje për kujdes dhe respektim të sinjalistikës paralajmëruese

Read more:LIVE- “Do vërshojmë nga Vlora në Tiranë”, Protestuesi: Këta që na etiketojnë si korba e sorra, do marrin përgjigjen e merituar! Nëse nuk dorëhiqesh, populli do të marrë zvarrë

“Ndërhyrje shpëtimi në lumin Devoll. Mëngjesin e sotëm morëm njoftim se një traktor ishte bllokuar në lumin Devoll, në vendin e quajtur Bishti i Nartës. Ekipet e Shërbimit Zjarrfikës Gramsh u nisën menjëherë drejt vendngjarjes. Falë ndërhyrjes së shpejtë, u shpëtuan tre persona: një i moshuar, nipi i tij dhe drejtuesi i mjetit. Traktori ishte zhytur deri në lartësinë e kabinës. Kujtojmë edhe një herë se hyrja në lumin Devoll është tepër e rrezikshme për shkak të prurjeve të papritura nga diga e Moglicës. Respektoni tabelat paralajmëruese. Sot u shpëtuan tre jetë. Mos rrezikoni që herën tjetër të jetë ndryshe!”, thuhet krah videos që tregon pamje nga operacioni.