Ish-luftëtari i UÇK në protestën kundër kryeministrit Edi Rama bëri thirrje që shqiptarët të bashkohen të dalin në shesh kundër regjimit që ka shkatërruar vendin.
Gjithashtu një thirrje e ka bërë edhe për socialistët, ata të “cilët i quan të ndershëm” t’i bashkohen protestës dhe kuptojnë lirinë e vërtetë dhe të dalin kundër padrejtësive.
“Taulant Midhja me Sara Milen dhe krye tradhtarin e kombit Edi Rama, duhet të kuptojnë se nuk shiten më gënjeshtrat. Shëngjini pa rrymë, Durrësi pa ujë, Vlora në pikë të hallit, Saranda edhe më keq. Këto e neveritin turizmin, jo protesta…E keqja e Shqipërisë e ka bazën te Edi Rama. Në Fier janë shtruar tubacionet e ujësjellësit, por vjedhin, dhe uji është i papijshëm…Në Tiranë uji është i papijshëm. I dhanë votën, ku është uji. Besëpreri që kërkon besë e ka lënë Shqipërinë për faqe të zezë. Duhet të rrëzojmë këtë qeveri tradhtare. Thirrje edhe për socialistët e ndershëm, ejani merrni frymë lirshëm…”, tha ai.
