Mbi 100 notarë sfiduan njëri-tjetrin në Pogradec, përfundon maratona ‘Agron Ruvina’, ja fituesit e këtij edicioni (VIDEO)

Ështe mbajtur edhe këtë vit në Pogradec maratona kombëtare e notit “Agron Ruvina”, një event i cili bëri bashkë notarë nga disa vende të botës, te cilët garuan në 3 disiplina.

E para në kategorinë e notarëve profesionistë 1100 metër ishte pogradecarja e cila jeton në SHBA, Lizi Gusho, e cila u shpreh e emocionuar për fitoren.

“Jam shumë e lodhur por shumë e gëzuar që mora pjesë. Kjo ishte distancë e madhe. Jam stërvitur që të hënën. Kam ardhur enkas nga Amerika që të bëj maratonën. Jam shumë e gëzuar por punova shumë fort. Gara ishte shumë e fortë. Fitoren ia dedikoj kushërirës sime Mabel” tha Lizi Gusho

Read more:“Rama po e shet koncertin e Kaney West si antiming”/ Këlliçi nxjerr dokumentin: Eventi do u kushtojë 4.2 mln euro taksapaguesve shqiptarë

Për kategorinë e fëmijëve deri ne 14 vjec në 200 metra not, e para ishte notarja Ivi Asllanaj nga klubi i Steles së Tiranës. Ndërsa i pari nga meshkujt por vendi i dyte ne garë doli Albi Deda nga ekipi i Durresit.

“Ndihem shumë e lumtur. Unë kam 11 vite që merrem me notin. Ka qenë një rrugëtim i vështirë por shumë i bukur. Fitoren ia dedikoj mamit dhe babit” tha Asllanaj

“Ndihem shumë i gëzuar. Jam përgatitur për këtë garë. Kishte shumë konkurentë sot. Fitoren ia dedikoj trajnerit dhe babit tim” tha Albi Deda

Read more:LIVE- Qytetari i drejtohet Ramës nga protesta: Shqipëria është e Zotit dhe e mikut, jo e djallit dhe armikut. SHBA dhe BE t’i kërkojë dorëheqjen

Një prej organizatoreve dhe ish-notari kampion, Sotiraq Iftica thote se në këtë edicion morën pjese mbi 100 notarë nga Shqipëria dhe më gjerë te cilët u bene pjesë e kesaj maratone noti.

“ Këtu kishte mbi 100 notarë, nga Shqipëria, Kosova, Anglia dhe nga Maqedonia. Ky edicion ishte shumë i mirë. Kishim marrë të gjitha masat dhe ia arritëm qëllimit. Vitet e tjera themi ta organizojmë më mirë me ekipe europiane dhe ballkanike” tha Sotiraq Iftica

Në këtë event të pranishëm ishin edhe familjarët e ish recordmenit te notit Agron Ruvina, te cilet shprehen te emocionuar per kete event qe mban emrin e vellait te tyre te ndjere.

Read more:Sot Maratona Kombëtare dhe Ndërkombëtare, aksi ‘Lin-Pogradec’ do të bllokohet nga ora 18:30-22:00

“Falenderoj Bashkinë dhe Klubin e Sportit. Është dita më e gëzuar e jetës sonë. Për ne është sikur është gjallë dhe e kemi mes nesh” tha Donika Çobani.

Në përfundim të eventit, fituesit u vleresuan me medalje dhe trofe.