Një zjarr i fuqishëm ka përfshirë mëngjesin e sotëm resortin Mesopotam Agroturizëm, në rrugën Sarandë–Syri i Kaltër, duke e shkrumbuar tërësisht.
Sipas informacioneve paraprake, zjarri ka rënë rreth orës 05:30 të mëngjesit të kësaj të diele.
Për momentin nuk dihen shkaqet e rënies së zjarrit. Pritet që hetimet dhe verifikimet në vendngjarje të përcaktojnë se çfarë ka shkaktuar flakët.
Mesopotam Agroturizëm konsiderohej një prej investimeve më të rëndësishme turistike të realizuara vitet e fundit në zonën e Mesopotamit. Resorti ishte ndërtuar rreth tre vite më parë dhe ishte kthyer në një pikë të njohur përgjatë rrugës që lidh Sarandën me Syrin e Kaltër.
Deri tani nuk raportohet për persona të lënduar.
Mëngjesin e sotëm, u përfshi nga flakët edhe një hotel në Lungomaren e Sarandës. 6 persona janë lënduar, nga të cilët 5 janë dërguar në Tiranë. Dy prej tyre raportohen në gjendje të rëndë nga djegiet.
Lajm në përditësim…
