Në fshatrat Sheqë, Gajdë, Polizhan, Malas Gropë, Syzezë dhe Poshnje, fermerët dalin çdo ditë përgjatë aksit nacional Dimal–Lushnje, me shpresën për të shitur shalqi, pjepër e produkte të tjera të stinës.
Subvencionet dhe grantet e premtuara nuk kanë mbërritur tek ta, ndërsa mungesa e tregut po i detyron të shesin me çmime të ulëta.
Fermerët dalin në rrugë me prodhimet e tyre për të siguruar të ardhurat minimale për familjet.
“Shteti duhet të ulë farat dhe plehrat, nuk i përballojmë dot çmimet por duhet të punojmë”, thotë një fermer.
Read more:Lajthitë mbeten stok në Fier e Mallakastër, fermerët: Prodhimi është i bollshëm, por çmimi i dobët
“Me 20 lek/kg e shesim”, shprehet fermeri.
Fermerët dalin në rrugë me prodhimet e tyre për të siguruar të ardhurat minimale për familjet.
Blerësit e tyre besnike ua njohin vështirësitë ndaj apelojnë shtetin t’i ndihmojë fermeret e Dimalit si me subvencione ashtu dhe me tregje te sigurta.
“Nuk më pëlqen ambienti ku shiten”, tha një blerës.
“Qeveria të vendos dorë për këta prodhues”, thotë një tjetër.
Problemet përsëriten çdo sezon: Mungesë tregu dhe çmime që nuk mbulojnë shpenzimet, ndaj shalqini dhe pjepri po kalben në fusha.
