SARANDË– Artan Myrtaj, 44 vjeç, sapo kishte pirë kafen e mëngjesit në qendër të Sarandës, kur u ekzekutua me armë zjarri nga dy persona që lëviznin me motor dhe ishin maskuar me skafandra. Ngjarja ndodhi rreth orës 09:55, pranë ish-agjencisë, në një zonë të populluar në mes të qytetit bregdetar.
Dy autorët dyshohet se kanë ardhur nga rruga “Lefter Talo” dhe i janë afruar lokalit ku ndodhej Myrtaj. I njohur ndryshe edhe si “Tani i Rruzhdiut”, 44-vjeçari sapo po dilte nga lokali kur autorët hapën zjarr ndaj tij. Plumbat depërtuan deri brenda lokalit, duke bërë shoshë xhamat. Në momentin që Myrtaj ka kuptuar se po sulmohej, ka tentuar të shpëtojë duke vrapuar drejt kryqëzimit, për të zbritur në rrugën “Vangjel Pandi”, por është qëlluar për vdekje në mes të rrugës, siç shihet edhe në pamjet që solli Report Tv. Dyshohet se të dy autorët kanë qëlluar me armë zjarri dhe më pas janë larguar në drejtim të paditur.
“Ai piu kafe se e ftoi dikush këtu. U ul, piu kafe, i thotë shokut që e ftoi: ‘Do iki’. Pesë metra, erdhën dhe bënë goditjen e parë, ai e kuptoi dhe iku me vrap. Ata e sulmuan”, rrëfen një dëshmitar.
Plumbat e lëshuar në një zonë të frekuentuar nga qytetarë të shumtë dhe e mbushur ende me turistë, kapën edhe 73-vjeçarin Xhevdet Skëndaj, i cili po kalonte rastësisht aty. Gëzhojat e breshërisë së plumbave shiheshin ende në rrugë, ndërsa i plagosuri është dërguar në Spitalin e Traumës për të marrë ndihmë mjekësore.
Pak pas atentatit, në vendngjarje mbërriti edhe nëna e viktimës, e cila shpërtheu në vaj kur pa trupin e pajetë të të birit. Një grua dhe një efektiv policie u përpoqën ta mbanin, ndërsa ajo thërriste: “O djali i nënës!”.
Një grup hetimor është ngritur për të zbardhur rrethanat e ngjarjes, ndërsa kamerat e sigurisë në zonë pritet të sekuestrohen për të gjurmuar lëvizjet e autorëve. Policia ngriti pika kontrolli në drejtim të Vlorës dhe Gjirokastrës.
“Rreth orës 09:55, te ish-agjencia, në rrethana ende të paqarta, është vrarë me armë zjarri shtetasi A. M., rreth 44 vjeç, si dhe ka mbetur i plagosur shtetasi Xh. S., rreth 73 vjeç, kalimtar i rastit, i cili është transportuar në spital për ndihmë mjekësore.
Shërbimet e Policisë janë vënë në ndjekje të autorëve. Janë ngritur pika kontrolli në drejtim të Vlorës dhe të Gjirokastrës”, njofton Policia.
Artan Myrtaj rezulton të jetë arrestuar në korrik të vitit 2025, i akuzuar se përkrahu Ramadan Zoton në plagosjen e Gëzim Hajdarajt dhe Ernest Lames pas një konflikti për tokat në bregdet. Sipas burimeve, ai ishte liruar nga qelia vetëm pak javë para vrasjes dhe ndaj tij ishte caktuar masa e sigurisë “detyrim paraqitjeje”. Plagosja e dy të rinjve nga Kamza u pasua nga një zinxhir ngjarjesh kriminale në Sarandë,shpërthimi me tritol i makinës së Klaus Jaçajt, vrasja e babait të tij, Isufit, dhe djegia e lokalit që Ramadan Zoto kishte dhënë me qira në Ksamil. Ende nuk dihet nëse vrasja e Myrtajt lidhet me këto ngjarje.
Lajmi në përditësim….
Atentati në Sarandë/ Komisariati vetëm 70 metra larg, policisë iu deshën 10 minuta për të mbërritur në vendngjarje!
Komisariati i Policisë së Sarandës ndodhet vetëm 70 metra larg vendit ku u vra Artan Myrtaj paraditen e së dielës. Në foton më lart, me të kuqe është shënuar vendi i atentatit te kryqëzimi pranë ish-agjencisë, ndërsa me blu komisariati. Pavarësisht distancës prej vetëm 70 metra larg, sipas informacioneve të Report Tv, efektivëve iu deshën të paktën 10 minuta për të mbërritur në vendngjarje.
Atentati në Sarandë, kalimtari që mbeti i plagosur mbërrin te Trauma (VIDEO)
73-vjeçari Xhevdet Skëndaj që mbeti i plagosur gjatë atentatit në Sarandë është dërguar me helikopter në spitalin e Traumës në Tiranë. Ai ka mbetur i plagosur me një plumb në shpinë dhe do të marrë mjekim më të specializuar.
Read more:Mbyllet tubimi i 102, thirrjet e protestuesve: Nesër më shumë
Report Tv sjell pamjet, xhami i lokalit ku ishte ulur ‘Tani i Rruzhdiut’ bëhet shoshë nga plumbat (VIDEO)
Report Tv sjell të tjera pamje nga vendi ku mbeti i vrarë 44-vjeçari Artan Myrtaj, i njohur ndryshe edhe si Tani i Rruzhdiut. Në pamje shihet dera prej xhami e lokalit ku ishte ilur 44-vjeçari, e cila është bërë shoshë nga plumbat.
Vrasja e ‘Tanit të Rruzhdiut’/ Dëshmitari: Sapo u largua nga kafja, autorët hapën zjarr! Ai iku me vrap, por e sulmuan
Një dëshmitar ka rrëfyer momentet e vrasjes së Artan Myrtajt në qendër të Sarandës. Sipas tij, 44-vjeçari kishte shkuar në lokal pasi e kishte ftuar një shok. Pasi piu kafen, autorët me motor dhe skafandra hapën zjarrë. 44-vjeçari tentoi të largohej me vrap, por autorët e ndoqën dhe e qëlluan sërish.
“Ai piu kafe se e ftoi dikush këtu. U ulu piu kafe, i thotë shokut që e ftoi do iki. 5 metra, erdhën dhe bënë goditjen e parë, ai e kuptoi dhe iku më vrap. Ata e sulmuan”, rrëfen ai.
Atentati në Sarandë/ 44-vjeçari ishte ulur për kafe, sapo pikasi autorët tentoi të largohet me vrap! Autorët e qëlluan të dy
44-vjeçari Artan Myrtaj, i cili u vra në Sarandë, sapo ishte ulur për kafe në një lokal pranë kryqëzimit të ish-agjencia, kur dy autorët, që kishin ardhur nga rruga “Lefter Talo”, iu afruan dhe qëlluan të paktën dy herë. Kafja ndodhet në mes të qytetit të Sarandës, ndërsa 42-vjeçari sapo ka pikasur autorët tentoi të të largohej me vrap drejt rrugës “Vangjel Pandi”. Dyshohet se të dy autorët kanë qëlluar me armë zjarri dhe ai u vra në mes të rrugës, siç shihet edhe në foto trupi i pajetë.
U ekzekutua në Sarandë, 44-vjeçari i arrestuar në 2025-ën për plagosje pas një sherri për tokat
Artan Myrtaj, 42-vjeçari që u ekzekutua në mes të qytetit të Sarandës paraditen e së dielës, del i skeduar edhe në një ngjarje tjetër kriminale. Më 18 korrik 2025, ai rezulton i arrestuar si i përfshirë në plagosjen e 2 personave, Gëzim Hajdaraj e Ernest Lame, pas një sherri për tokat në bregdet. Vetëm dy ditë pas plagosjes, ai u arrestua nga Policia e Sarandës i akuzuar për veprën penale “përkrahje e autorit të krimit”.
U ekzekutua në mes të Sarandës nga dy persona me skafandra, Report Tv siguron foton e 44-vjeçarit
Report Tv ka siguruar foton e 44-vjeçarin Artan Myrtaj, i cili u ekzekutua paraditen e sotme në mes të qytetit të Sarandës. Dy persona me motor dhe skafandra qëlluan me armë në drejtim të tij, duke e lënë të vdekur në vend.
Read more:Ngërçi me pagat e magjistratëve, PD kërkon seancë dëgjimore me disa institucione
VIDEO/ ‘O djali i nënës!’ Momenti prekës kur e ëma mëson për vrasjen e 44-vjeçarit në Sarandë
Pamje të rënda nga vendi i atentatit në qendër të Sarandës, ku u vra me armë zjarri Artan Myrtaj. Nëna e 44-vjeçarit shpërthen në lot sapo sheh të birin e pajetë të shtrirë, ndërsa një grua dhe një efektiv policie përpiqen ta mbajnë.
Report Tv siguron emrin, ja kush është 44-vjeçari që u ekzekutua në Sarandë! U qëllua nga dy persona me motor dhe skafandra
Artan Myrtaj është 44-vjeçari që u vra me armë zjarri paraditen e sotme në Sarandë. Dy persona me mortor dhe Skafandra qëlluan me armë ndaj 42-vjeçarit dhe u larguan.
Atentati në Sarandë, momenti kur i plagosuri futet në ambulancë (VIDEO)
Report Tv sjell pamjet nga vendi i ngjarjes në Sarandë, ku një person u vra me armë zjarri dhe një kalimtar mbeti i plagosur. Në pamje shihet momenti kur ai dërgohet në ambulancë.
SI.E./E.H/Shqiptarja.com
LAJMET MË TË VLERËSUARA