Vrau me sqepar nënën dhe plagosi të atin në Lushnjë, 45-vjeçari ‘kyç’ gojën para policisë! Banorët: Dikur ka plagosur një person, por sivjet bëri gjëmën

Në fshatin Zhymë të Lushnjës, ka pllakosur heshtja. Banorët ndihen të frikësuar dhe të tronditur nga ngjarja makabre në familjen Dalladaku. Efekte gratë me të zeza që ecin nëpër trotuar.

Florian Dalladakun 45-vjeçarin i cili pak pasi kaloi mesnata vrau me sqepar në banesë nënën e tij dhe plagosi rëndë babanë, tregojnë se e kanë njohur. Ai dilte shpesh në fshat, kryesisht në dyqan për të pirë cigare, apo edhe për të pirë kafe.

“Djalin e njohim, e shikonim kur shkonte në dyqan dhe blente ndonjë paketë. I shikonte njerëzit me inat, por nuk lunate. Në shtëpi nuk e dimë si sillej”, u shpreh një banor

Edhe para se të vriste nënë 80-vjeçare Fanije Dalladakun e të plagoste rëndë në kokë babanë, Hasan Dalladaku, 77 vjeç, djali kishte qenë në lokalin e fshatit.

Read more:“73 ditë protestë, botërori më i bukur i historisë sonë”, gazetari Osman Stafa thirrje Diasporës: Shqipëria ka nevojë më shumë se kurrë për ju! Lërini partitë, mendoni për vendin!

“Vëllai tha fjeti gjumë u zgjua, piu ujë, e doli mbasdite për kafe”, tha një tjetër.

Sinjalet se mund të bënte ndonjë tragjedi, sipas banorëve, 45-vjeçari, i kishte shfaqur prej kohësh.

“Unë kam qenë në Greqi atëherë, ai plagosi një person, por sikur pastaj u stabilizua, shkoi dhe në Itali me vëllezërit, kështu qe avazi i tij, stabilitet nuk pati”, tha një tjetër banor.

“Shkoi mori çiften qëlloi nëpër porta por nuk bëri zarar”, u shpreh një tjetër.

Read more:Pas dy vitesh hetime, çështja e vrasjes së Egli Progës shkon në gjykatë! Dy të akuzuar për vrasje me dashje, tre të tjerë për fshehje të provave

“Sivjet bëri këtë kolpon e madhe, ka pasur probleme dhe më parë me familjen”, tha banori.

“Ka bërë disa gjëra kështu, por jo kaq probleme të mëdha”, tregoi tjetri.

Pas krimit, djali u arratis, por policia e arrestoi teksa tentonte të largohej drejt Fierit me makinën e të vëllait. Para efektivëve të komisariatit të Fierit, i arrestuari nuk ka thënë ende asnjë fjalë.

Sipas banorëve, 45-vjecari vuante nga probleme të shëndetit mendor. Prindërit kujdeseshin për të, por arsyen pse gjendja e tij mund të jetë përkeqësuar, e shohin tek kurimi.

Read more:Dhunoi kunatën, nipi e kërcënon me armë! Arrestohet xhaxhai, në kërkim 19-vjeçari, 3 nën hetim

“Djali thonë që ka qenë me probleme mendore. Kishte probleme, kurohej, e pyeste i ati, i more ilaçet i mora, i erdhi ora, duhej çuar atje ku duhej çuar, u rëndua,…por si duket nga nuk kurohej vazhdimisht”, thonë banorët.

77-vjeçari, Hasan Dalladaku ndodhet në reanimacionin e Spitalit të Traumës me plagë të rënda në kokë.

——————————-

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë