Ish-ministrja e Jashtme Elisa Spiropali ka reaguar pas dënimit të ish-krerëve të UÇK-së nga Gjykata Speciale në Hagë. Ajo e cilësoi si skandaloze diferencën e dënimeve mes shqiptarëve dhe serbëve, duke deklaruar se shqiptarët janë dënuar me rreth 150 vite burg më shumë.
Spiropali tha se Serbia ishte përgjegjëse për masakra ndaj shqiptarëve në Kosovë, ndërsa UÇK-ja u ngrit për liri dhe rezistencë. Ajo përmendi edhe mijëra viktima të luftës në Kosovë, duke theksuar se shumë civilë të vrarë ende nuk kanë varre dhe se përgjegjësit për masakrat nuk janë ndëshkuar.
Read more:Spiropali i kërkon llogari Berishës, jo pushtetit që përfaqëson
Sipas Spiropalit, luftëtarët e UÇK-së u përpoqën të mbronin gratë, fëmijët dhe të moshuarit gjatë luftës.
Spiropali e mbylli reagimin duke deklaruar se Serbia synon të shtrembërojë përgjegjësitë për luftën dhe se e drejta ndërkombëtare është cenuar rëndë.
Read more:Specialja: 7 të akuzuarve iu ofruam ndihmë financiare për avokatë
Elisa Spiropali:Është skandaloze, që jepen 150 vite burg më shumë për shqiptarët sesa për serbët. Ndërkohë që Serbia ishte vënë në dispozicion për të kryer masakra ndaj shqiptarëve. Nga ana tjetër, shqiptarët u ngritën për liri dhe për rezistencë. 13 mijë janë vrarë në Kosovë dhe shumë civilë të masakruar pa varr, të pagjetur ende, varret e tyre dhe të padënuar ata që kryen këto masakra dhe UÇK u ngrit për të luftuar këtë gjenocid, për të mbrojtur gratë, fëmijët e pleqtë. Sipas akuzës, Jakup Krasniqi i bie që të vdesë në burg. Serbia do që të shtrembërojë përgjegjësitë e veta. E drejta ndërkombëtare dje u cënua rëndë.
