Presidenti Donald Trump ka zhvilluar një takim me ekipin e tij të sigurisë kombëtare dhe zyrtarë të lartë ushtarakë për të diskutuar mbi strategjinë e ardhshme me Iranin, duke mos përjashtuar mundësinë e rifillimi të veprimeve ushtarake. Armëpushimin me Iranin, Trump e cilësoi dje si shumë të brishtë dhe me shumë pak shanse për të mbijetuar.
Zëdhënësi i Komisionit Parlamentar të Iranit për sigurinë kombëtare, ka thënë se “Një nga opsionet në dispozicion të Iranit në rast të një sulmi tjetër mund të jetë pasurimi i uraniumit deri në 90%. Ne do ta diskutojmë këtë në parlament“.
Kryeparlamentari iraniane Mohammad Bagher Ghalibaf në një postim ka shkruar se e vetmja mundësi për arritjen e paqes, është pranimi i planit të tyre me 14 pika nga Shtetet e Bashkuara.
“Nuk ka zgjidhje tjetër veçse të pranohen të drejtat e popullit iranian, siç përcaktohen në propozimin me 14 pika”, shkoi ai.
Read more:Politikani iranian kërcënon kalimin në uranium të nivelit të armëve nëse SHBA-të sulmojnë
Ndërkohë në një deklaratë zëvendëskomandanti i Marinës së Republikës Islamike i Iranit tha se ‘Kontrolli ynë mbi Ngushticën e Hormuzit është zgjeruar’. Ai theksoi se çdo lëvizje po monitorohet.
Një bombardues strategjik B-1B Lancer i Forcave Ajrore Amerikane ka kryer një fluturim operativ drejt Lindjes së Mesme, njoftoi sot Komanda Qendrore e SHBA-së. Sipas Aleancës së Gjurmimit të Ajrit Ushtarak (MATA), bombarduesit strategjikë amerikanë B-1B Lancer dhe B-52H Stratofortress të vendosur në Bazën Ajrore Fairford në Mbretërinë e Bashkuar po kryejnë misione stërvitore në Lindjen e Mesme pothuajse çdo ditë.
Sipas The Wall Street Journal, Emiratet e Bashkuara Arabe kanë kryer fshehurazi sulme ushtarake kundër Iranit, përfshirë një sulm ajror në prill kundër një rafinerie në ishullin iranian Lavan.
Lajmi në përditësim…
Teherani: Jemi të gatshëm për çdo skenar! Kushdo që shkel në Iran do të përballet me dëme serioze
Zëdhënësi i Ministrisë së Jashtme iraniane, Esmaeil Baghaei, tha se Irani është i përgatitur për çdo skenar, duke iu referuar kërcënimeve të SHBA-së për një sulm të mundshëm tokësor ndaj Iranit.
“Kushdo që guxon të shkelë në tokën iraniane do të pësojë dëme serioze”, paralajmëroi ai.
Sipas IRNA-s, Baghaei i tha India Today Global se Ministri i Jashtëm iranian, Abbas Araghchi, do të vizitojë Indinë dhe do të marrë pjesë në samitin e ardhshëm të ministrave të Jashtëm të BRICS në atë vend.
“Teherani pret me padurim takime dypalëshe me ministrat e tjerë që marrin pjesë në samit, përfshirë ministrin e Jashtëm indian, si një vend mik”, shtoi ai.
Turqia: Ngushtica e Hormuzit nuk duhet të përdoret si armë
Ministri i Jashtëm turk, Hakan Fidan, tha se është e rëndësishme për stabilitetin rajonal dhe ekonominë globale që Ngushtica e Hormuzit të mos përdoret si armë.
“Problemi me të cilin po përballemi në Gjirin Persik nuk duhet të lejojë në asnjë mënyrë që çështja e Gazës të harrohet”, tha ai gjatë një konference për shtyp me Mohammed bin Abdulrahman bin Jassim Al Thani.
Read more:Bllokada amerikane po përpiqet ta bëjë Iranin “të shembet nga brenda”, thotë një zyrtar i lartë
Fidan shtoi se “ekspansionizmi i Izraelit mbetet kërcënimi më i madh për stabilitetin dhe sigurinë” në nivel rajonal.
Pasdaran: Kontrolli ynë mbi Hormuzin është zgjeruar, po monitorojmë çdo lëvizje
Foto: Anije duke kaluar në Ngushticën e Hormuzit
“Kontrolli ynë mbi Ngushticën e Hormuzit është zgjeruar”, tha në një deklaratë zëvendëskomandanti i Marinës së IRGC-së, sipas mediave të Republikës Islamike.
“Në të kaluarën, Ngushtica e Hormuzit përcaktohej si një zonë e kufizuar rreth ishujve si Hormuzi dhe Hengami, por tani, sipas planit të ri, zona është zgjeruar ndjeshëm dhe përcaktohet si një zonë strategjike që shtrihet nga brigjet e Jaskut dhe Sirit deri përtej ishujve kryesorë”, shtoi zyrtari, duke specifikuar se Irani “po monitoron nga afër çdo lëvizje”.
