Presidenti amerikan Donald Trump ka deklaruar se afati 60-ditor për negociatat me Iranin nuk duhet parë si një kufi i rreptë, duke lënë të hapur mundësinë që bisedimet të zgjasin më shumë për arritjen e një marrëveshjeje përfundimtare.
“Për sa kohë ata sillen mirë, nuk më intereson”, është shprehur Trump, duke theksuar se fleksibiliteti në kohë nuk përbën problem nëse palët vazhdojnë në rrugën e duhur.
Deklaratat vijnë në një moment kur Shtetet e Bashkuara dhe Irani po përgatiten për nënshkrimin e një Memorandumi Mirëkuptimi në Zvicër, në Hotelin Burgenstock në Lucern.
Read more:Pritej firma për marrëveshjen gjatë kësaj fundjave, Irani ndërron mendje dhe kërkon ende kohë
Sipas Trump, ceremonia mund të zhvillohet të enjten ose të premten, madje ai ka lënë të hapur mundësinë e pjesëmarrjes personale.
Megjithatë, presidenti amerikan ka përsëritur edhe paralajmërimet ndaj Teheranit, duke theksuar se në rast mosrespektimi të marrëveshjes “mund të rifillojnë bombardimet”.
