Një 43-vjeçar në Bërxullë është vënë në pranga për ambëmbajtje pa leje. Në banesën e Juljan Konit është gjetur një pistoletë, tashmë e sekuestruar bashkë me krehrin me 7 fishekë.
Kapja e tij u bë pas kontrolleve që policia ka kryer mbrëmjen e djeshme pas vrasjes 50-vjeçarit Edmond (Ali) Sula, po në Bërxullë. Për momentin nuk lidhet me ngjarjen.
Njoftimi:
Arrestohet në fshatin Bërxullë, një 43-vjeçar që mbante pa leje, në banesë, pistoletë me municion.
Sekuestrohen arma e zjarrit, si dhe krehri i saj, me 7 fishekë.
Si rezultat i punës parandaluese, të bazuar në kontrolle, hetime dhe informacione operative, me objektiv goditjen e rasteve të armëmbajtjes pa leje, si dhe identifikimin dhe ndalimin e shtetasve të cilët dyshohen për përfshirje në ngjarje kriminale, specialistët e Sektorit për Hetimin e Krimeve të Rënda finalizuan operacionin e koduar “Risku”, gjatë të cilit, në zbatim të vendimit të Gjykatës, u krye kontroll në banesën e shtetasit J. K., 43 vjeç, në fshatin Bërxullë.
Në banesë u gjet 1 armë zjarri pistoletë, me krehër dhe 7 fishekë, që posedohej pa leje, nga 43-vjeçari, i cili në vijim të veprimeve procedurale, u arrestua në flagrancë, për veprën penale “Mbajtja pa leje dhe prodhimi i armëve, armëve shpërthyese dhe i municionit”
Read more:“Qëllimi i vetëm largimi i Ramës”/ Protestuesi: Problem s’është policia, por ata që na shënjestruan
Kontrollet dhe verifikimet vijojnë.
Materialet procedurale iu referuan Prokurorisë së Tiranës, për veprime të mëtejshme.
Lajm në përditësim…
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
