Zjarri është riaktivizuar në Njësinë Administrative Voskopojë, ku flakët kanë përfshirë edhe një sipërfaqe të zonës pyjore me pisha. Vatra ndodhet në zonën mes fshatit Lekas dhe Voskopojë, ndërsa gjatë gjithë ditës kanë vijuar ndërhyrjet për izolimin dhe shuarjen e saj.
Sipas Emergjencave Civile të Bashkisë Korçë, në operacion janë angazhuar gjithsej 116 forca dhe 18 mjete. Në terren po punojnë punonjës të Njësive Administrative Bulgarec, Drenovë, Mollaj, Voskopojë dhe Lekas, të Ndërmarrjes së Shërbimeve Publike, Shërbimit Pyjor, Prefekturës së Qarkut Korçë, Bashkisë Korçë dhe Qendrës së Monitorimit të Qarkut. Operacionit i janë bashkuar edhe Bashkia Devoll dhe Bashkia Pustec me mjete pick-up për transportin e forcave.
Read more:Iu gjend pistoletë në shtëpi, pranga 43-vjeçarit në Bërxullë
Nga krahu i Voskopojës, përhapja e flakëve është bllokuar, duke shmangur avancimin e zjarrit drejt zonës së Peltekut. Megjithatë, operacioni nuk ka përfunduar. Forcat në terren vijojnë punën për neutralizimin e plotë të vatrave aktive
