Në shëtitoren Taulantia është vendosur instalacioni artistik “I ❤ DURRËS”, një krijim që synon të promovojë identitetin kulturor dhe turistik të qytetit. Lajmin e bëri të ditur kryetarja e Bashkisë së Durrësit, Emirjana Sako, përmes një postimi në rrjetet sociale.
Sipas Sakos, “I ❤ DURRËS” nuk është thjesht një instalacion artistik, por një simbol i dashurisë për qytetin, detin, historinë dhe njerëzit që i japin jetë çdo ditë.
Vepra është realizuar nga skulptorët durrsakë Ibrahim, Amarildo dhe Ergys Reçi dhe, sipas saj, mishëron vlerat e një qyteti me histori mijëravjeçare, bukuri natyrore dhe lidhje të fortë me detin.
Read more:Reforma territoriale dhe profecia e romakut Tacitus – Ide
Sako thekson se instalacioni është konceptuar si një pikë referimi urbane, ku qytetarët dhe vizitorët mund të ndalen, të bëjnë fotografi dhe të krijojnë kujtime të lidhura me Durrësin.
Për këtë arsye ajo ftoi qytetarët dhe turistët ta vizitojnë instalacionin në shëtitoren Taulantia dhe të bëhen pjesë e mesazhit “I ❤ DURRËS”.
