Tre persona janë arrestuar pasi dyshohet se shisnin doza kokaine dhe kanabisi në plazhet e Livadhit dhe Llamanit, si edhe në zona të tjera të Himarës, kryesisht në beach bare. Dy prej tyre kishin marrë banesa të përkohshme në Himarë.
“Në kuadër të operacionit “Area 01”, u arrestuan në flagrancë shtetasit Viron Kutulla, 17 vjeç dhe Dilaver Gjonça, 40 vjeç ndërsa në kuadër të operacionit policor “Area 02″, u arrestua në flagrancë shtetasi Rigers Lekaj, 24 vjeç” thuhet në njoftimin e policisë.
Gjatë operacionit, policia sekuestroi 91 doza droge, një peshore elektronike, një automjet dhe një celular.
Read more:Kishte mbjellë vazo me kanabis në kanionet e Progonatit, pranga 57-vjeçarit (EMRI)
Njoftimi i plotë i Policisë
“Himarë/Kontrollet intensive gjatë sezonit turistik, goditen raste të tjera të shitjes së lëndëve narkotike në zona bregdetare. Arrestohen 3 shtetas që shitnin doza Kokaine dhe Cannabisi në plazhet e Livadhit dhe Llamanit, si dhe në zona të tjera të Himarës.
2 prej të arrestuarve kishin marrë banesa të përkohshme në Himarë, për të kryer këtë veprimtari kriminale. Sekuestrohen sasi të këtyre lëndëve narkotike, të ndara në 91 doza, si dhe 1 peshore elektronike, 1 automjet dhe 1 celular.
Si rezultat i intensifikimit të kontrolleve, pranisë në terren dhe punës operative, të kryera në funksion të zbatimit të planit të posaçëm të masave për garantimin e rendit dhe sigurisë publike gjatë sezonit turistik, shërbimet e Komisariatit të Policisë Himarë, në bashkëpunim me specialistët e Seksionit për Hetimin e Narkotikëve, finalizuan 2 faza të operacionit antidrogë, të koduar “Area”. Konkretisht:
-gjatë operacionit “Area 01”, u arrestuan në flagrancë shtetasit V. K., 17 vjeç, banues në Himarë dhe D. Gj., 40 vjeç, banues në Tiranë. Gjatë kontrolleve fizike ndaj tyre dhe gjatë kontrollit në banesën ku qendronte përkohësisht, 40-vjeçari, në fshatin Llaman, u sekuestruan sasi të lëndëve të dyshuara narkotike Kokainë dhe Cannabis Sativa, të ndara në 60 doza, të ciliat ishin përgatitur për t’u shitur në plazhet e Livadhit dhe Llamanit, si dhe në beach bar-et në këto zona;
-gjatë operacionit “Area 02”, u arrestua në flagrancë shtetasi R. L., 24 vjeç, pasi gjatë kontrolleve në automjetin me të cilin lëvizte dhe në banesën ku qendronte përkohësisht, në Himarë, u gjetën sasi lënde e dyshuar narkotike Cannabis Sativa e ndarë në 31 doza gati për shitje, si dhe 1 peshore elektronike.
Kontrollet vijojnë. Materialet procedurale iu referuan Prokurorisë, për veprime të mëtejshme “
