GJKKO nuk e ka në plan të bëjë asnjë hap pas nga rregullorja censuruese. Pasi futi në fuqi një sërë rregullash që kufizojnë transparencën dhe punën e gazetarëve, nga ndalimi i telefonave, kamerave, deri te prania e gazetarëve me rotacion nëse në sallë s’do të ketë vende, tashmë, siç edhe kishte paralajmëruar, Gjykata e Posaçme ka mbyllur edhe grupin në WhatsApp ku shpërndaheshin informacionet për gazetarët që mbulojnë GJKKO-në. Nga grupi janë larguar të paktën 60 anëtarë, gazetarë dhe përfaqësues te të gjitha mediave në Shqipëri, duke e vështirësuar edhe më tej punën e mediave.
GJKKO ka lajmëruar se do të hapë një tjetër grup në WhatsApp, në të cilin do të bëhen pjesë vetëm gazetarët e akredituar. Por kjo e vështirëson më shumë punën e gazetarëve, të cilët tashmë nuk do t’i marrin në kohë reale njoftimet, aq më tepër që deri më tani shumica e gazetarëve që mbulojnë GJKKO-në kanë refuzuar të akreditohen për të ndjekur seancat gjyqësore. Për tu njohur me njoftimet për shtyp të Gjykatës së Posaçme, gazetarët do duhet të kontrollojnë në website-in zyrtar.
Lajmi në përditësim….
