Irani ka deklaruar se rihapja e Ngushticën e Hormuzit nuk është e mundur për shkak të shkeljeve të armëpushimit nga Shtetet e Bashkuara, duke rritur pasigurinë në një nga rrugët më të rëndësishme të tregtisë globale të naftës.
Kryenegociatori iranian, Mohammad Bagher Ghalibaf, tha se kushtet aktuale nuk lejojnë rifillimin e qarkullimit normal, ndërsa presidenti Masoud Pezeshkian akuzoi SHBA-në për bllokadë, kërcënime dhe “shkelje të angazhimeve”, duke i cilësuar ato si pengesa kryesore për negociatat.
Tensionet u përshkallëzuan pasi Irani sulmoi tre anije mallrash në ngushticë të mërkurën, ndërsa dy prej tyre u sekuestruan për “inspektim” nga Marina Revolucionare Islamike.
Nga ana tjetër, presidenti amerikan Donald Trump ka deklaruar se është “e mundur” që bisedimet me Iranin të rifillojnë deri të premten, duke lënë të hapur mundësinë për ulje tensionesh përmes diplomacisë.
Ndërkohë, në Liban, presidenti Joseph Aoun njoftoi se janë duke u zhvilluar bisedime me Izrael për zgjatjen e armëpushimit mes palëve.
