Nga sot e deri më 10 shtator, pranë zyrave arsimore do të jetë e hapur thirrja për profesionistët që të bëhen pjesë e programit “Pas Shkolle” që ka prezantuar Ministria e Arsimit.
Të gjithë profesionistët që përmbushin kriteret e përcaktuara mund të aplikojnë për t’u bërë pjesë e ekipit të trajnuesve.
Programi këtë vit do të shtrihet në 408 shkolla në të gjithë Shqipërinë. Ai synon t’u ofrojë nxënësve mundësi për të mësuar, argëtuar dhe zhvilluar talentet e tyre përmes një sërë aktivitetesh, ndër të cilat “Bëjmë detyrat e shtëpisë”, muzikë, teatër, kërcim, zeje, arte pamore dhe sport.
Read more:Sot protesta e 94-t kundër qeverisë! Qytetarët: Rama të ikë. Nisim demonstratat e fuqishme
“Janë jo vetëm mësuesit që mund të marrin pjesë dhe të bëhen pjesë e listës së trajnerëve për Programin ‘Pas Shkolle’, por edhe mësues në pension, mësues që janë në listën e pritjes, madje edhe kolegë të tjerë që mund të jenë artistë, artizanë apo profesionistë në fushat që janë parashikuar në programin e ri tashmë të konsoliduar të ‘Pas Shkollës’”. Në arsimin fillor, programi do të përfshijë edhe mbështetjen për kryerjen e detyrave të shtëpisë, ndërsa aktivitetet e tjera do të fokusohen në artizanat, arte pamore, teatër, muzikë dhe sport”, bëri me dije Mirela Kumbaro.
Pagesa për çdo orë për trajnuesit është 1 000 lekë.
Read more:Maturantët nisin sot aplikimet në universitete, 6 ditë kohë për zgjedhjen e degëve
Ky program synon edhe socializimin, edukimin dhe zhvillimin e fëmijëve për të ndihmuar që ata të qëndrojnë larg ekraneve të pajisjeve teknologjike.
