2 turistë spanjollë kanë mbetur të plagosur si pasojë e një aksidenti në rrugën Sarandë–Ksamil ku u përfshinë tre automjete
Bëhet fjalë për 24 vjeçarin Jove Pibrall Jove dhe 37 vjeçaren Catia Picac, të cilët ndodheshin në Sarandë për turizëm.
Sipas burimeve nga bluzat e bardha, 24-vjeçari ka pësuar dëmtime më të rënda.
Pasi mori ndihmën e parë në Spitalin e Sarandës, ai është transportuar me ambulancë drejt Spitalit të Traumës në Tiranë, për mjekim të specializuar.
Ndërkohë, 37-vjeçarja ka pësuar dëmtime në kokë dhe po merr trajtim mjekësor në Spitalin e Sarandës.
Për shkak të aksidentit, qarkullimi në aksin Sarandë–Ksamil u ndërpre për disa minuta, ndërsa Policia po vijon veprimet për sqarimin e plotë të rrethanave të ngjarjes.
